第一天：燈紅酒綠遊Silom

曼谷我去過N次了，所以今次只著眼飲飲食食同購物點，景點不提。


酒店附近之四面佛。

曼谷機場出來，已經係下晝四點，只好逛越夜越熱鬧的Silom，Silom係曼谷乘BTS在Sala Daeng站下車，盲都見到的一條擬似女人街物體，此為Patpong夜市。



成條街都係賣老翻手錶同衣飾，而且仲係High到名都唔識讀果種。今次剛好遇著有警察搗翻版，粗眉仔指著其中一對鞋問價，兩個擬似檔主的物體只一味耍手擰頭，甚有香港海關搗老翻果隻feel。



路中心全是賣野攤檔，兩旁幾乎全是色情酒吧…


「Hey！Puzzy！Puzzy！」

粗眉仔個樣可能似「有需要」，行未夠半條街已被人「問候」了N次，被同行之豬朋狗友們（當中有女）「嘲笑」。

貼士：呢度買野一定要講價，因粗眉仔試過用佢開的四份一價錢買到心頭好。

(待續)