今次我們去日本駕車所經主要係郊區地方為多，相比市中心東京荒蕪好多，沿途唔好講鋪頭，連人影都唔見多隻！
當車跟著GPS路線去下一個景點時，經過一些看來比較旺的地方時（其實只是多一兩間鋪頭），SoMa突然指著前面大叫「轉入去！轉入去！」，我都唔知發生乜野事！
原來SoMa一看見遠處好似有APITA字樣的鋪頭，所以立即叫我駛入去！（對於SoMa來說簡直沙漠上遇見綠洲一樣，因為終於有得shopping！）
這間APITA同一般的日式百貨店格局差不多！有超市、食市、衣服、嬰兒用品（lee樣最緊要！）
時間都差不多要食lunch，所以醫醫肚先 ！
大家看到下面張相，便會問點點山長水遠去到日本，仲食老麥？
當然想試香港無的食物，例如這個好好味、好軟熟玉桂味蛋糕，一食難忘的蝦肉漢堡包（之後返來香港，發現香港才剛剛新推出，我便立即買來食，想嘗試返那份初戀的感覺！食完先發現把鬼，如果日本果個包有9分，香港果個只得2分！無論麵包、沙律醬、蝦肉日本仔做得好味好多！可能因為原材料始終日本係靚好多，加上日本人對食物總係會用心去做！）
吃飽飽，SoMa便出動！
當然不停的買買買，當推著一車物品去收銀處的時候，有個拿著張 form不停對著SoMa講“打咩打咩…”，SoMa當然唔知發生乜野事，後來發現原來係想SoMa入什麼什麼的會，SoMa地立即表示我們不是本地人， 但她好似講到無所為，點都叫SoMa入會！
最後SoMa只是尤其填個名便入會，最後買完睇返張單先發現，之前所買的物品無喇喇全部都有八折！
其後還送上有兩張蓋滿印花的卡，可作下次當錢用！事後原本想在東京再找間APITA去用o左這張卡，上網發現東京區內係無 Apita，它的店鋪只在其它小鎮才有（Apita在香好似好勁，可能對日本人來講，Apita只是鄉下地方的百貨鋪頭仔！）
因為由河口湖去下一個住宿地方（輕井澤 ），車程比較遠，所以在途車我都準備一兩個有趣景點給團友！
河口湖屬於山梨縣，山梨縣最出名盛產葡萄，不同的品種由七月開始至到十月都有收成，有部份葡萄園還有任摘葡萄放題！好似這個葡萄園叫做愛宕園，500円任摘任食，其實我都係網上找出來的！
妳睇Sophia摘得幾開心！
仲請SoBa食！
其實十月尾對於摘葡萄係尾水，不是太多葡萄，所以我地只是影下相，最後買了一箱葡萄便走人！
Sophia 由葡萄園不停食到上車都繼續食！
又開車去下一個景點—清里。
沿車道兩旁的葉開始越來越黃，原因我們開始北上高地！
清里內有個地方叫萌木の村，有不少售賣精品的小店，可能快到黃昏，開始有點凍，整個村無乜遊人，我們都不是留這裡太久便走！（但在這緊密的時間中，SoMa都買到野！）
無人的旋轉木馬！
某犬猫の雑貨鋪頭前影相！
過多兩日便是萬聖節！
個天開始黑，開o左大半日車，差不多晚上七時才去到輕井澤，大家都開始有點疲倦！
今晚我地住在輕井澤 Prince Hotel East 。 但個GPS教由Prince Hotel West Wing穿過小路去 East Wing，但其實這條路車輛禁止！但個GPS又唔識教你行第二條道（之前講到GPS有幾醒有幾勁，但有時都好鬼死蠢！）
差不多用了成個鐘才去到我們的酒店，晚上八後，大部份鋪頭都closed（包括餐廳），今晚我們的晚餐點算呢！
這個時候，只有一個仔幫到你，他便是「七仔」！
一去到七仔，Sophia便不停掃架上的物品入籃到（好似唔洗錢買！）最後還自己拖個籃去收銀處到！
雖然在收銀處時我們已經將Sophia亂掃的東西拿出來，但返到酒店時都發現買o左o的Sophia拿的無謂o野！
今晚的晚餐！係七仔買日清杯麵（一風堂、山頭火）加一罐馬肉午餐肉（係杯麵下面果罐）！都幾好味！
其實味道都唔差！
(29.10.2008)