粗眉仔其實已經去過土樓，但今次臨時有假期，所以又去多次，遊遊車河。

第一日：梅州
由深圳出發到梅州，坐巴士要六個鐘頭，期間除食飯外全無景點，唯有在油站「放水」期間留意一下人生百態。
好耐冇去過廣東旅遊，加油站的「公廁」，在色香味方面都是頂級的，唉！廣東人…


公安車的妙用：接載老婆仔女出來威威！哈！



終於到達午膳的酒家，門口有好多賣超甜沙糖桔的阿嬋，卻給粗眉仔撞見極為醜惡的一幕。



話說粗眉仔剛從某阿嬋買完沙糖桔後，另一團某家庭（父母子各一隻）也走來，父指指沙糖桔，阿嬋見狀以為要買，立即將沙糖桔放入膠袋，那父粗暴地打一下阿嬋的 手，冷冷地說：「咪住，試下先！」
那母子二話不說就各拿一個桔來試。
父又問：「多少錢？」
阿嬋揀了五至六個，再秤一秤，說：「兩蚊…」
父指著阿嬋破口大罵：「有冇搞錯！咁都要兩蚊？你當香港人白痴呀！」轉頭又向母和子道：「掉返俾佢！」



母子真的照做，將吃到一半的桔丟回去，跟父絕塵而去，只留下一臉彷徨的阿嬋。
有相為証，大家認住呢一家三賤，他們已嚴重影衰香港人。

早知道梅州其實冇野好玩，只係一個中途站，所以對這個叫雁南飛渡假村的所謂景點毫無期望，期望雖小，失望仍大。



呢個係入口。(待續)