粒粒為咗捕捉富士山更美既一面，帶玲子到了距離木ノ花美術館不遠既大石公園 ~ 山梨県南都留郡富士河口湖町大石2585 ~ 大石公園門口係河口湖自然生活館，每年6月中至8月薰衣草盛開既季節，大石公園會化身為浪漫迷人香草祭會場之一，可以想像優雅既富士山倒映係清澈既河口湖中，配上美麗動人既香草，一定會謀殺龍友好多菲林啊 

可惜富士山怕羞，喱埋咗係厚厚雲層度，等緊都唔出黎..........只能比大家欣賞住靚靚既花卉啊~

行到大石公園深處，見倒有人係度釣魚啊 ~ 如果粒粒玲子有更長既假期，都好想留一日係富士山下既河口湖內，優優閒閒咁一邊釣魚，一邊欣賞富士山

呢間巴士會遊幾個河口湖景點，但行程中只見過幾次，相信班次唔密 ~

全個日本行程中粒粒玲子最貴既酒店 ~ 富士山飯店，位於山梨縣南都留郡山中湖村1360-83，一晚雙人房價錢(包早餐及晚餐) HK$2,524

http://www.mtfuji-hotel.com/index.php

富士山飯店位於山中湖畔山上，飯店花園可以晀望莊麗既富士山及山中湖全景！

雖然房間無wifi提供，不過Lobby有啊 ~

帶大家上房睇睇先 ~ ~ ~

登登登登！間房好大好舒服，果然一分錢一分貨啊！

玲子記得飯店既露天風呂個名好有詩意~滿天星の湯，係滿天星空下浸溫泉後，享受大廚精心設計滿有藝術感既精緻日式晚宴，真係要學朋友悅靈講句 This is life

全程富士五湖及稍後既箱根遊，都係靠身邊既"Bb"，佢令我地見得更多，玩得更多，買得更多，舒服更多........