香港 --> 大板關西機場 --> 梅田 

這個關西之旅係我今年沒有預計的,

 

因幸運地寫遊記win左$3000 coupon, 但卻要4個月內用,

同朱姐講開唔知點用好, 跟住就決定兩個人一齊去關西影紅葉;

點知同餅友布冧講起, 佢又有興趣, 於是變左三人行;

臨出發前半個月, 朱姐朋友菁儀又join埋我地, 呵呵....

咁就變左個4人團, 4個人旅行真係最perfect的人數!!

因coupon限制下只能買package的關係, 我地要坐16:25機,

到步後已經夜深, 跟住同朱姐分道楊標兩晩咁多啦!

你有你地返東淀川的中野屋民宿, 我有我地返梅田的新板急酒店.....

我地選左坐機場巴士, 直接去到酒店本館, 然後我地再行去別館,

方便很多, 因不用上落JR!

我地check-in後, 立即出動搵食, 見到板急三番街咁多人行出黎,

覺得應該夜麻麻都有野食, 行左一條街都己經有三四間開夜市,

最後決去呢間博多, 第一晚就食到拉麵餃子, 好滿足!

 拉麵完全沒有梘水味,  滑滑爽爽的, 最重要係熱騰騰食落肚,

成個暖晒! 餃子皮薄饀好味, 煎得香香, 很不錯,

唔怪之得咁夜都有咁多人幫趁!

太夜啦, 食完立即返酒店沖涼, 訓覺覺豬,

可惜最後攪到三點幾先訓, 而且仲要大家都訓得唔好,

無法啦, 未習慣一齊訓,

布冧姐話我成條蟲周身郁+嘈音, 差d想踢我落床, 不過第一晚忍下我喎,

第一天朋友指數係"良好",

所以我地"仲係朋友"! 哈哈哈....