2010年7月5日晚往機場出發，坐ANA(7月6日)零晨機(國泰直航無位)往羽田機場，再轉機往旭川，去到先食個 Lunch之後去攞車...出發
Biei, GO GO GO！
日產提升咗我哋架車喎！上次用 March今次 Note!!
可惜是日天陰...行咗幾圈，都係早啲返位美瑛嘅民宿 アルプロッジ美瑛 放抵嘢，Bathing & Eating，話哂尋晚通宵機，都係覺覺覺豬！
7月7日早上打開房內天窗......都係天陰......
.....食過早餐，與民宿主人吹吹水，一如往年又在白牆上留言
，老公揸車四處兜兜，看看有否靚景，去到美瑛新華區見到一大片油菜花，很震撼，現場睇超正
之後去咗亞斗夢之丘影吓相，我都有揸過吓車，但引來了"他"嘅疑問...究竟我個牌點攞嘅呢...係一個迷！
下午過後去找找位美瑛町嘅民宿 民宿クレス，這家不包食，今晚要搵食
，誤打誤撞搵到間超好食嘅舖頭有咖喱...烏冬、拉麵、炸薯波波，美瑛豬......數唔哂......超好食.....後來我們不時來幫襯...
太美味...好滿足
7月8日早上買點麵包回民宿，泡柸咖啡，上吓網...再出發，但很大雨...很大雨，午後又係去民宿 旅の宿 ステラ ，
第一次來這家位上富良野嘅民宿，老闆識英文，晚飯後我請教老闆日文，原來老公是DANNASUM，老婆是OKUSAN，哈哈...上一課！晚上又大雨又黑，只好早睡，至夜深突然傳來很嘈嘅人聲，原來係樓下間屋仔有幾個香港人出咗嚟煲煙&大聲吹水！真係影衰哂啲香港人~超無品
！
7月9日天陰陰，無落雨都出去走走啦！反正離日之出公園很近，之後才返民宿食早餐，早餐後見天開始有光有少少藍天，Woooo出發，再上去日之出，見有人來影婚紗相，想起...往年我們自己帶物品來自己影，辛苦當年嘅友人今年嘅DANNASUM
去年坐在這"影後"
！
天清咗就緊係周圍去影相啦！去咗富田農場、彩香之里、四周的稻田麥田薯仔花田...
可惜啲雲很聽日本天文台話，很準時出現，不過是日1500收工
係富田遇上這小攝影家
，他用Nikon嘅，他都幾型仔架，似模似樣...只係部相機有點大啫
！
下午去上富嘅民宿ペンション ランドスケープふらの，早啲返到去洗白白、食雞煲啦！上年入住這裡時又係落大雨，係大雨，本來這裡個view不錯，可一面食雞煲一面賞美景...但...
!!!今次再食
...感覺上不及上年，可能就是少了上年的驚喜罷但仍很好味！
7月10日食過豐富嘅早餐後又再出發喇！繼續天灰灰雨蒙蒙，都係揸四周圍看看，去吓四季彩之丘睇花
，話時話，天陰陰有小水珠在花上都幾靚，沿國道237"花人街道"行行，去深山峠對面嘗過白色的粟米...嘩嘩嘩...甜到你唔信
，雨越落越大，咁不如收手去食嘢，去了千代田農場，回味吓個南瓜凍湯
，凍湯依然好味，但啲人做嘢就甩轆~漏單且來的飯與英文餐牌所寫的不一，後來老闆自動出來(我哋無投訴過)送上兩枝茄汁賠罪算啦！
晏啦！返位於中富嘅夕茜舎（あかねやど）
民宿個view幾靚......但又係落雨！早啲瞓啦
7月11日早餐過後...天放晴去囉去囉去影相，先去附近嘅啤酒麥田影呀影，再返美馬牛四季彩之丘
，藍天白雲加上花......超正
不想耗時間食Lunch，且不餓，只係在車上食吓小食及飲埋那兩枝茄汁！再去......影相
的薯仔花田幾靚架
有白色薯仔花又有紫色薯仔花下午茶食這紅豆多士
加凍咖啡，嘩~每次食都咁正，開心就係咁簡單......之後又起厚雲啦！又係返民宿嘅時候，今次再住位富良野北之峰嘅獨立木屋
コテージケイダス 
，晚餐去番鮮弥食大板燒，舊年都玩過，食得幾開心，木屋無涼沖......so...去咗泡湯，整夜大雨...係暴雨...毫雨...
7月12日啲雨無停過救命，吾好落得咁狠啦
！落咁大雨無得影相......只有食，來到北之峰當然去菓子工房食cake cake、coffee、pudding
，天氣不好，好彩有美食...下午早啲回民宿
ふらのキャラバンハウス ちにた，去民宿的路不好走且大雨，所以要趁天未黑去食dinner，早啲去早啲番，好彩老公帶備電腦及戲，今晚睇咗套魔幻聖誕頌 (A Christmas Carol)
7月13日零晨5點幾DANNASUM見有藍天，嘩......很興奮，今曰係最後一日喺美瑛、富良野啦，黄昏要到旭川還車喇！去盡啲，即去影相，
感謝神！真係超靚，我相信任何人用任何機都會影得靚！有藍天、羽毛雲、花花(雖然被前一晚嘅大雨打到穿哂殘哂)
，仲送埋遠處嘅山線.....
...併命影，
，Lunch去番美瑛間好好味嘅食館併命食
飽到上心口，但...仍覺超好食！今日超"正"，好開心滿足！至日落收手
手振啦！很攰......返旭川還車兼入住酒店 ホテルパコ旭川 ！
7月14日早上在酒店浸浸溫泉，之後乘JR去札幌，天氣晴
，到札幌放抵行李於酒店 チサンホテル札幌CHISUN HOTEL 後第一件事係去搵食，有抵食又新鮮嘅迴轉寿司、厚燒玉子、大大件超好味炸豬扒、
、勁多紅豆嘅鯛魚燒
、紅豆綠茶雪糕小丸子
食食食...
7月15日在酒店享受完早餐就乘JR去小樽，天文台預報是日天陰，怎料...今次失準...天晴，DANNASUM原來在小樽租咗架跑車Mazda Roadster Woooooooo
，Woooo第一次坐喳
我也有於無車無人的地方過吓手癮，但我好驚，只吊住個break行
我們沿海岸線向積丹半島行
，Lunch食吓燒海鮮
，1800返小樽還車，之後乘JR返札幌！
7月16日早餐後行吓市政廳及往百貨公司掃貨~師奶就緊係買食品啦！下午乘ANA機返羽田機場再轉機返香港啦