好~~~ 等我麥兜帶大家繼續我既夢想之旅!!!

上集講到我地坐 "屎Pen" 係個海中心到降落, 再坐隻船仔上個島度~~~

繼續元首級既待遇, 船仔準備埋岸就已經見到幾十人係岸邊歡迎大叫: Welcome to MIRIHI ~~~~~~

跟住呢位姐姐就帶我地去前面果椰林度 ~~~  E?! 從呢位姐姐既身形黎睇，呢個島都應該幾好食好住喎～～～

碼頭旁既日落餐廳　～～～

又有椰汁飲lu ~~~

呢度就係酒店大堂喇～～～

大家有冇留意呢度所有地方都鋪滿幼幼既白沙呢？ 姐姐話我知，原來係 Mirihi 係唔使著鞋既～～～ 哈哈，真係好，因為我不嬲都唔著鞋既～～～

飲完椰青，姐姐就同我地係島度行一個圈。 Mirihi 其實係一個小島，只有約30間屋仔。姐姐話係島度住左百幾個姐姐哥哥黎服侍我地，即係平均每個人就有4個姐姐哥哥黎服侍咁話wor~~~ 嘩！我咁大個仔都係得老媽子一個人服侍，而家有4個人服侍咪即係有係屋企4倍咁舒服？？？ 

係大堂望番過去碼頭～～～

呢度有張搖搖床~~~

唔好講咁多, 等我即刻試下佢好唔好訓先

返轉頭去大堂再經過左呢條沙路……

就黎度休戲區～～～

呢度就有全島既唯一一部電視機………吓？！ 我間房冇電視既？？？ 我要日日睇放學ICU既喎……

再行入去就係酒吧～～～

行出去就見到戶外酒吧區～～～

同埋戶外餐廳區~~~

再向右望～～～

嘩嘩嘩！！！ 真係有整晒椰林樹影、水清沙幼、藍天白雲呀!!!!!

我當然唔執輸, 即刻全副武裝出動啦~~~

見到呢個view, 連舅母都話忍唔住要暴走番一轉 ~~~~

好, 暫時同個海灘 say goodbye, 繼續環島遊先 ~~~ 

好難得完全免費既遊樂...... 划艇仔~~~

仲有個足球場仔~~~

同埋蜥蜴仔~~~~

仲有會變色既龍哥仔~~~~

跟住我地繞去島既另一邊就見到呢堆野........

姐姐話所有係Mirihi 結婚既人都會有壇咁既野隊係度....... 舅父成日話結婚係愛情既墳墓, 我諗我有少少明白點解lu ~~~~

跟住繼續沿愛情墳墓再行去島既另一邊......

Mirihi 只有約30間房, 其中9成都係呢d水上屋~~~~ 不過我地果間唔係呢邊^^

好喇, 個島都行得七七八八喇, 係時候返房睇下~~~~

經過呢個樹林仔就會見到我既間水上屋既喇!!!

下一篇再繼續帶大家睇下我地間水上屋個view ~~~~