對於籌一年、改期又改期的日本之旅，Sophia竟然出發一星期前嚴重病倒入院（可以睇返前兩篇Blog）！
當期時都十五十 六，都唔知去唔去好！後來又見她好返好多，出發之前再覆一覆診，醫生都話OK無事，可以出發（醫生還給我們好多的平安藥！）
機票係 Redeem返來，但日期一改再改，最後只book到零晨機去，黃昏機返（好方面想：Sophia上機前已經睡著，一至睡到落機；如果唔係：Sophia 在機上不停的喊，喊都要全機人都無得目訓！）
晚上十一點半去到機場時，Sophia已經睡著（Yes!）
今次我們冒死都要帶Sophia去旅行，其中一個原因係兩歲前的小孩只需要正常機票的二五折，過了兩歲便同大人票差不多！所以點都要同個女兩歲前去一轉！
對於我，今次比已往去旅行緊張十萬倍！
其實今次 Sophia機票都係check-in時才買（兩歲而下係無機位坐），但醒目的SoMa當然要求他們block個位給Sophia坐，『得o左』！最後他們選派o左三連位給我們，Sophia這張機票真係抵上加抵！
但當入候機處後，Sophia 時好似醒左（Oh No!），SoMa當時已經睡在候機椅上（之前SoMa說過，無論如何（即便Sophia睡唔到）當晚都一定要比她睡足全程！）
我當時只好在機場裡，不停推著在BB車上的Sophia，希望推暈她訓著為至！
上到機好彩她都睡著！（最終得益者當然係我們同全機人士有得目訓啦！）
在零晨五點時有一個好早的早餐（連Sophia都有！）
在飛機上看日出
當地時間六點半著陸（日本快香港一個鐘！）Sophia總算睡足全程！（Thank God!）
之後我們便去Terminal 1 取車
這架車係一早在網上ToCoo book！日產TIIDA 1500cc，5日￥23100（包Baby Seat）
Sophia 一上車，便睡去！（Very good!）
好多人問：「日本開車難唔難？」
當然零難度！只要入目的地的電話號碼，車上GPS便會不停教你點去：前面100米路口燈位左轉…（同打機差不多）！
但當然有例外，點例外？好似 我地今次我們第一個目的地，GPS便點錯地方，最後只好問人（係一點都唔識日文的情況下問人！）我的經驗係是旦找間便利店，他們的職員通常都有附近的地圖指比你睇！
幾經辛苦，終於找到了！
第一站：橫濱麵包超人館
分室外同室內，室內係要比錢的遊樂場￥1000一位，室外係唔洗錢，有各種不同種類的麵包 超人鋪頭（但買下買下可能洗錢仲多過入面的遊樂場！）
Sophia一早穿上麵 包超人的衫而來！
入口的locker都好鬼靚！
第一時間入去室內樂園玩！
對於Sophia來說，這裡唯一她最喜歡的可能係『周圍都係食物』！（本身麵包超人都係Sophia最喜愛的食物之一！）
左攪攪！右攪攪！
左跳跳！右跳跳！
還有一地方放晒所有麵包超人玩品任你玩！
地面有個小小室外地方，放了好多麵包超人頭的波波比你玩，任你碌來碌去！
Sophia真係玩到唔願走！
有點肚餓， 便去它旁邊的麵包超人餐廳食午餐！
都幾多人下，而它用自已留名的方法去排隊！（日本人真係幾自助）
見仲有十幾個籌先到，不如出去室外的麵包超人鋪頭行下！
忽然經過間麵包超人髮型屋，SoMa突然間說：「不如帶Sophia入去剪髮！」
「o下！咁都得！」
奇妙的事時情發生！
SoMa又在唔識日文情況之下，叫髮型師幫Sophia剪個她想要的髮型！
開始剪，Sophia好似有點緊張！
但當要洗頭時便唔制（最後因無洗頭收少我們￥500）
剪完後便恤髮！（真係一個個電髮筒set頭果種！）
最後還可以揀一個麵包超人頭飾加上頭到！
登登 登登…大成功！lee個髮型簡直可以去得Ball!
SoMa話Sophia個look有D似童星時期馮寶寶！
剪完髮返去餐廳時剛好過了一個籌，好彩他們都照補返個位給我們！
Sophia對著Menu都照食一餐！
食完飯之後我們到外面的鋪頭shopping一o下（我指當然係SoMa啦！）
這間真係買麵包超人的麵包舖！
重點當然係這間差不多齊晒所有有關麵包超人貨品的鋪頭！
Sophia在舖頭內不停的攪依樣攪果樣（對她來說可能同之前比錢 入去museum玩無分別！）
SoMa 當然大有收獲，但最後發現竟然停車場貴過入場費（4hrs ￥2060）
要走的時候，剛碰到真的麵包超人（我講當然係人扮果種）出來，我們當然立刻想Sophia同他合照！但當時Sophia的反應係……喊喊喊喊喊喊喊，無辦法之下只好急急腳帶 Sophia走人！（Sophia都係喜歡真正食得麵包多過人扮麵包超人！）
好啦，再向下個景點出發，唔知個GPS會唔會再點錯路！
(28.10.2008)