由於尋晚都比較夜訓,但為左食酒店既早餐 (10點半前),我地都9點半起身。
10點3落到去,見到點解咁小野食既? 得D生果,乳酪,面包同果汁。(原來呢D係任食)
原來每個人可以揀一SET 中式/西式早餐 (我地5個4日都係食西式,因為好食唔想轉。)
食完早餐就出發啦,今日第一站去大皇宮。
第一站: Grand Palace 大皇宮
今日天氣都陰陰地,不過都好彩,唔係落大雨。我地想坐船,所以唔搭的士啦。
首先坐BTS 去 Saphan Taksin,Exit 1 一出就係 Central Pier。
坐船(橙旗船)去大皇宮 (N9站),上到船先比錢。 用號數去分站都幾方便遊客,都碼一睇就知道。
好…到左N9,好多人一齊落船,似乎大家都朝住同一個方向進發 – 大皇宮。
行下影下,就去買飛啦,都唔平的 – 一人百幾蚊HKD。
兩個女仔因為著左無袖衫,所以要租個到D 衫,哈哈。職員仲話佢地個件係最受歡迎。
入到去都係周圍影下相,睇完個簡介,我而家都唔記得哂啦,哈哈,到此一遊啦。
行完還衫拎番100B 就搭的士去另一個目的地。
第二站: Siam
因為只係食左早餐,所以先食野先。既然咁肚餓,就當然食任食啦。
我地去左SIAM CENTRE 食Shabu Shi。哇!好多野食呀!
除左SHABU SHABU,仲有SHUSHI,天婦羅,者哩同埋雪糕。(汽水任飲)
都係一人$6X HKD。
食到飽哂,當然要郁下,就係行街啦。
先去SIAM CENTRE 既BOOTS,因為唔知咩一週年既關係,有D野係買一送一。
再行Siam Paragon ,Siam Square。之後仲有D時間先食飯,就行埋去Central World 掃NARAYA。
係天橋行行下,D人突然停哂。原來夠鐘播國歌,大家都站正唔郁,當然我地都入鄉隨俗,都幾得意既一個經驗。
去CENTRAL WORLD 只係行NARAYA 已經足夠令我地遲左去食飯。因為BOOK 左7:30,我地7:45先到。
好彩張台仲有留,今晚我地食 Ban Khun Mae (阿媽的家)。都係行行下Siam Square個陣BOOK埋的。
我地都係食番好多人推薦既野食,個到好多香港人。不過冇想像中咁好食,不過ANYWAY,都叫第一餐泰國菜。
食飽飽又要去另一個地方再SHOP 過。
第三站: Suan Lum Night Market
食飽就坐的士去Suan Lum Night Market,的士司機話”taffic jam” ,所以唔打標。
點知由頭到尾都冇塞過,我地話佢,佢自己都笑。算啦,時間緊要。
其實我第二次黎曼谷,第一次係SARS個年跟團黎,都有黎呢個Night Market。
同上次比,好似裝修過,D野都HIGH CLASS 左咁。當然,價錢都貴左。
講價都唔係講到好多,不過都幾ENJOY 講價既過程,泰國人普遍對遊客都幾NICE架!
買左D TEE,總算有D收獲就返酒店啦。
不過惡夢就開始啦,話說我地諗住坐的士返酒店。架架都唔肯”BY METER”,我地就上左架黃綠的士。
講左地方,佢話知道,100B 佢OK,咁就上車啦。
點知行左幾分鐘,佢又再問我地目的地,突然之間,佢好似如夢初醒。
係咁講: “Oh My God. Its too far away” 我地當然知佢想點啦,都係想收多D錢。
其實有時都唔係錢既問題,就算比多100B 佢,5個人除都唔係好多錢。
但係咁樣既做法真係唔好囉。我地同佢理論,佢又繼續講,太盤都唔揸啦。雙手遮面,想表現佢既後悔。
最後120B 佢又OK,唔通係個馬路落車,不過個司機都神神化化,好恐怖。所以我地係BTS 落,自己行番酒店算。
返到香港,我都SEND 左EMAIL 投訢,雖然都知冇咩用,都係向泰國政府表達下意見咁。