我們在酒店搞好晒手續後，就租了架車準備去山打根某些景點

第一站:觀景亭

風景被大樹檔住，都係一般般

第二站:四里區熟食大排檔，呢度可以食到很多地道小食的

好後悔無試到呢檔的炒年糕，因為用豬油炸架，聞到好香好香

竹蔗水:呢檔的竹蔗水有別於平時飲果些，個竹蔗的味道好清新，但又有淡淡的蔗味，好飲到唔記得影相hahahaaa

馬蹄沙:裡面有好多馬蹄粒的，又爽又有咬口，整得非常好味

豆腐花:老婆話好滑好滑又有豆味

強記:那些雞翼賣相就燒得幾好睇，皮都幾脆，但後尾知道最好食的不是呢檔

蘿蔔糕:賣相好似果些茶果，但我無試到

砵仔糕:呢度的砵仔糕係無紅豆在裡面架，味道一般

凍奶茶:茶味好濃又夠滑，正啊

紅茶果:無試

木薯糕:煙煙韌韌，加上d椰絲令到味道更上一層樓

尤魚通菜:其實兩樣野都係我的最愛，但我唔慣果些甜甜鹹鹹的醬油......

山東鍋貼:我覺得個皮太大塊了，餡又唔夠飽滿

KAYA油條:老婆最欣賞就係呢個KAYA油條，油條係即點即炸的，熱辣辣又脆口，加上最愛的KAYA醬，好好味 啊))))))))))))

食飽飽後就去了賓富香肉乾行買手信，呢間的貴妃豬肉乾係好出名的，我當然要買d返黎孝敬一下啊媽啦

第三站:聖咪迦勒與諸天使堂，呢間教堂創建於1888年的

隔離就係間學校，又咁0岩放學時間

外型好似外國的房屋多些

因為不是開放時間，所以不可以入教堂裡面參觀......

我覺得教堂的側邊靚些

第四站:普濟寺，今日真係中西信仰都去齊啊

呢間普濟寺既環境及景觀都係一流的，強烈建議一定要黎，觀景亭就......

第五站:海上皇餐廳

營業時間

餐廳下面有很多魚排的

龍蝦仔:咁鬼平，當然唔會放過它啦hahahaaa

海蟹

海蝦

瀨尿蝦

大家估下呢條係乜魚？初初我以為係老虎班黎，色澤真係好鮮好靚

我們點了白酒浸蛤貝、芝士焗開邊龍蝦仔X5隻、馬拉盞炒薯仔菜、蒜蓉炒通菜、椒鹽瀨尿蝦、薑蔥炒肉蟹、炒鹿肉(唔記 得影)、蒸魚，埋單RM$998蚊

芒果汁:味道很濃，係新鮮搾的

白酒浸蛤貝:呢度的蛤貝味道鮮好多的，可能係夠大隻的關係啦，和白酒一齊煮真係絕配呢

芝士焗開邊龍蝦仔:雖然話就話龍蝦仔，但都大過隻手掌架，每人有半隻，感覺好鬼豪啊，重要係新鮮的，d肉又嫩又彈 性，而芝士就唔係濃味那種

馬拉盞炒薯仔菜:薯仔菜好爽啊，馬拉盞又唔太鹹，炒得很好

蒜蓉炒通菜:通菜唔多講喇

呢條魚第一次食，魚肉好雪白，加上個皮好厚架，好濃的魚味，肉質彈牙，咁大條魚都蒸得咁靚，真係要贊贊，呢條魚每個 人都話非常正的

又係瀨尿蝦，因為師兄食唔到椒鹽的話會訓得唔安樂架，我特別講明無膏就唔好俾我們食，隻隻瀨尿蝦中間都有條厚厚的膏 架，肉質又炸得好嫩，唔會有乾的感覺，不過椒鹽味無香港咁濃味的，價錢平就係食得咁瘋狂的了

薑蔥炒肉蟹:好開心食到咁出色的炒蟹，因為係生焗的，完全無炸過架

睇下d膏多到，色澤又靚，隻隻都係我親手揀架

還有重皮的啊，最好食就係呢塊皮

膽固醇萬歲，今晚真係超晒標啊

其實Tony係唔想食龍蝦架，不過我同老婆不停叫他快些食，因為預左每人有半隻，唔好浪費啊

睇下Tony個樣子幾咁唔願意食，點知第二日真係出了事，令到我同老婆個心都好內疚啊

生果盤