我哋係個條購物街到都逗留咗唔少時間，都係時間要返去攞車，然後就Check-in啦....原來泊車嘅地方都幾近我哋今晚住個間韓屋，叫做全州韓屋體驗生活館，呢個係我係網上面Book嘅，一去到呢，就見都有位老伯係到招呼緊一Ｄ韓國人，睇個樣係Ｄ先生同學生，唔知係唔係畢業旅行呢 ? 我哋等咗好耐，俾張Book嘢嘅記錄佢睇，點知佢就打開一本簿表示今晚無晒房 ! 吓，唔係呀嗎 ? 我同佢講你哋Confirm咗個喎，點解會無嘅 ! 跟住佢就打電話，我聽到佢同電話入面個人講話Internet，可能係由網上面Book嘅有另外一個人負責都唔定，以呢個人又無係本簿到做記錄 ! 但係我哋無得住，咁點算呢 ? 之後呢位老伯就再打電話喇，跟住就同指我哋去另外一個地方，我哋諗佢應該係幫我哋係附近搵一間住，係咁嘅情況下我哋唯有去佢介紹個一間喇，係我哋走個時，個個老師同Ｄ學生啱啱返來，個老伯同佢講咗幾句嘢，個老師無神神同我哋講"Sorry"喎 ! 可能係個老怕話我哋本來係住係呢到，點知就俾你哋住咗~~~個老師先同我哋講"Sorry"呱 !
我哋沿住佢指嘅方向同地址去到一間叫"同樂園"嘅韓屋 ! 我哋話係個老伯介紹來，有一個後生仔識得講英文，於是我哋就話要兩間房要有廁所嘅 ! 點知佢介紹一間係 VIP 房來嘅，要成150,000won一晚 ! 吓 ! 唔係呀嗎~~~我哋原先個間都係 160,000 won 有兩間要有廁所添個喎 ! 於是我哋就問佢可唔可以4個住一間呢 ? 佢話唔得，因為呢個價係包埋早餐，唔要早餐都係減30,000won~~~唔係好化算 ! 於是我哋問佢有無平Ｄ嘅呢 ! 有，50,000一間~~~不過廁所就要用公用嘅~~~因為有Ｄ團友覺得好唔方便想要有廁所間VIP房，但係真係唔係好抵 ! 於是，我就係附近再搵下，點知好多都滿咗。大家商量過之後，就租咗喇。
跟住就出去搵食喇，係我哋頭先周圍行個時，叫做"校洞韓食"好似幾好味，咁就去呢一間喇。我哋睇咗個Menu，然後就點咗4個Set....嘩~~~Ｄ配菜真係有好多 ! 韓國食品....都係辣....呢一餐都有幾多樣嘢都係辣嘅，但係就幾好味 ! 食完嘢我哋就返去呢一間韓屋啦。其實呢一間韓屋，都幾有特色，Ｄ房真係幾細間下，只係鋪到一張被就無位 ! 我哋以為可能幾凍啦~~~原來地下有暖管，夜晚重覺得好熱添呀 !!
本來我哋就係住呢一間古色古香嘅全州韓屋體驗生活館！
Website :
全州韓屋生活體驗館 www.jjhanok.com
不過佢哋個Website成日都壞壞哋，上唔到去 !
同樂園 http://jkhanok.co.kr/index.php
返到香港睇返原來呢Ｄ體驗館可以係入面教你造下Ｄ韓式食品、造紙同埋一Ｄ韓國嘅文化嘢，不過當然係要錢啦~~~同埋都要幾多時間下，唔怪得之有學生來呢度旅行啦~~俾Ｄ學生體驗下韓國嘅傳統嘢 !
唔好誤會，呢一間唔係我哋住嘅...行過見到幾靚影低咋 !
韓屋村街景
呢一間就係同樂園啦....
我哋就係住係呢一排 !
你哋睇下間房真係唔係好大架咋 ! 就係睇到咁闊咋 !
個窗出面就係街喇...
Ｄ韓屋好多都放咗呢Ｄ瓦缸
呢一間其實係Coffee Shop來架..幾靚呀 !
韓國村夜景 !
是日晚餐 !
食完重有杯好好味嘅嘢飲 !
究竟係校洞韓食定係校同韓食呢 ??
就係呢個Menu吸引咗我哋去食啦..
呢個唔係月亮，係一個係地下嘅圓形發光嘢
鋪完張被....就無晒位啦 !
