返咗酒店，大家都係酒店到Hea咗一陣先再出發 ! 不過一Hea就成粒鐘喇~~~
之後我哋就去海雲臺海水浴場到睇睇喇...去到嘅時候天都黑晒喇 ! 係呢到本來想搵個唔洗俾錢嘅位泊車，但係一路都係要俾錢嘅，後來我哋泊咗車做步兵周圍行我就發現係另外一個地方應該可以泊車唔洗俾錢啦 ! 講返呢個海雲臺海水浴場先，其實係個沙灘，係韓國沙灘就叫做浴場(我哋香港人就會覺得係沖涼嘅地方囉)。我哋去到時都黑麻麻，無咩睇，唔知日頭去會唔會有人係到游水嘅呢 ? 但係夜晚 其實都有唔少韓國人係到散步同跑步個喎 ! 呢個位置除咗有個沙灘可以睇下之外，就係有個叫釜山水族館嘅地方喇~~~不過我哋無咩興趣囉，如果有小朋友一齊去旅行的話，呢一個地方不失為一個好去處。之後我哋就一路行一路睇下附近有咩食喇~~~見到有好多海鮮食店，好似西貢咁~~~不過呢，好多間都無咩人幫襯嘅 ! 我哋更加唔敢入去啦~~~不過行到去Ｄ酒店附近就多好多食店喇~~~睇返Ｄ資料，原來可以搭船睇下附近Ｄ風景架，唔怪得我哋周圍行嘅時間，我睇到係海到有Ｄ五顏六色嘅船啦~~~
行到差不多我哋就去咗間叫 Lotteria 到食晚餐喇，呢間嘢係韓國好多地方都見到，我哋叫咗個套餐，Ｄ包都幾好味，重有Ｄ薯條都好好味，我食咗好多~~~食完就返酒店休息同埋洗衫。住東橫Inn 有個好處，就係可以洗衫同埋乾埋衣 ! 係韓國呢一間重正，如果你有帶洗衣粉咁你就可以免費洗衫，因為洗衫同乾衣係唔洗俾錢就可以用架啦 ! 如果無洗衣粉，唔緊要，可以去 Reception 到買，都係300won (HK1.8) 一包就可以洗一機衫褲。東橫Inn真係好正~~~~
呢到其實都有幾多食店係到架....
夜晚嘅沙灘係咪覺得好浪漫呢....
釜山水族館~~~~
附近有唔少嘅酒店係到架...
係另外一面，有唔少嘅食海鮮食店係到....不過無人幫襯嘅
個碼頭不停有船出出入入架 !
Lotteria
呢一個係一個套餐來架 !!
呢個芝士圈好好味架 !
海雲臺海水浴場
釜山海雲臺區中洞
釜山水族館
釜山廣域市海雲台區中1洞1411-4