首先,唔好意思,我地冇食到廈門炒米。
根據資料顯示,廈門最有名的小食是「土筍凍」,一種好似啫喱的物體,入面冰封着學名叫作「星蟲」的昆蟲(即係蚯蚓?唔係佢,都係佢d親戚喇),聽聞好好食,不過,我冇玩開Fear Factor,唔興食蟲,團友仔都係,所以冇試過。

另一種堪稱必試的小食是「麻糬」,最有名的是鼓浪嶼葉氏麻糬,可能當時天氣太熱的關係,我竟然忘了.......直到返到香港先醒起,出發前諗住一定要食嘅麻糬竟然冇食到!!

不過,試左另一網民推介：Babycat私家御餅屋

地址:鼓浪嶼龍頭路8號117-119
這裡的餡餅好出名,被譽為遊鼓浪嶼必買手信,試左綠豆蓉和綠茶兩種口味,前者不錯,後者像洗潔精味。裝修好得意,以白色為主,適合拍照,不過比想像中小一點


它們島上有兩間店,這邊是新店,餡餅太好賣吧,特設外賣部,我地最後一日臨走前才去掃貨,原有七種味道,卻只剩綠茶、綠豆蓉、肉三種,那塊小木板沒有貼着哪款售罄字樣,待我們苦思一輪甚麼口味要多少盒之際才發現這種沒有了,那種也沒有了!白白浪費時間!而店員的態度也很一般,我落order時候,她聽完也不應我(我還在想我普通話太爛她聽不懂嗎?),過一陣子才粗聲粗氣問:「還有呢?」我說:「沒有了!」仲用廣東話講「淨係買三盒唔得架?!」是他們家餡餅太好賣吧,每個人都十盒八盒地買(其中兩位團友都係),但它有限日期不長,我家跟本吃不了那麼多,早知佢咁串, 我一盒都唔買!不過,另一位姐姐仔態度好d,補番數!

這杯mocha味道很淡,好像2x人仔


一盒四個餡餅,12人仔一盒,包裝得幾靚,價錢唔貴,所以咁多人買嚟做手信

 

我反而推介另一間鼓浪嶼的CAFE：娜雅咖啡旅館
地址:鼓浪嶼鹿礁路12號B座

其實這間小旅館在網上很有名,長期爆滿,不過我估唔到佢附設的餐廳食物水準都咁高。

我反而推介另一間鼓浪嶼的CAFE：娜雅咖啡旅館
地址:鼓浪嶼鹿礁路12號B座

其實這間小旅館在網上很有名,長期爆滿,不過我估唔到佢附設的餐廳食物水準都咁高。

室內牆壁貼滿遊人的小便條

柚子沙冰,酸酸甜甜帶點柚子肉,一流!!

薯蓉,賣相佳,味道正!

肉醬千層麵,份量雖然少,但味道很捧!

海鮮PIZZA,很脆薄的餅底,同樣味道一流!

這個「TEA」四個人食咗二百幾人仔,價錢中等。
店內外有好多貓咪,應該是店主收養的流浪貓,在門口附近有收集捐款的玻璃瓶,用作照顧流浪貓或流浪狗,大家下次到訪的話,不妨支持下。



因為食物有水準,所以最後一日我地都山長水遠咁返鼓浪嶼幫襯佢個早餐,28人仔