出發去草津溫泉,因為路程都需要一段時間,所以中途跟書去了一個叫星野溫泉的地方!
這裡除了這裡係溫泉區外,也是野鳥之森的入口!(日本三大野鳥棲息地之一)
SoMa好喜歡這張Sophia雙手插袋的相!
最主要原因係這幾張相SoMa影架!
我地o的pose、眼神,係唔係好似型人雜誌的封面先!
影完兩三張相後,見無乜得別,便開車走人!(無可能要我地一家三口在這裡行山觀鳥 !)
最後到達草津温泉 草津ホテル,這是一間好傳統日本溫泉旅館。
一去到旅館,check-in 後,便有位呀姐,全程召招呼我地!
我們住在二樓,差不多盡頭,叫『蓬萊』的房間!
一入房間,係一間好傳統好傳統的日式酒店(我最喜歡果一種!)
窗外剛好有棵紅葉樹,景色非常之美麗!(還看到我們白色那架車!)
入到房後,呀姐(其實係個呀嬋)用日文講解一輪旅館的設施給我們聽(她當然好盡力去講解,我們都好有禮貌用表情來表現到好似 好明白她的說話—其實我們都係估下估下,不知道她說什麼!)
終於她講完,之後拿了幾套和式浴衣給我們,連Sophia都有份!
我當然立刻在窗前影過不停!
酒不醉人人自醉
整整齊齊全家褔!
之後我們一齊穿上浴衣,在旅館內參觀一返!
我們先試了旅館門口那個室外足腳溫泉!(你估下這張相點影?細心的日本人,一早整了一個小木台,給我們放相機自拍!)
Sophia穿上和式浴衣,自覺好靚,不停在旅館內走來走去…走來走去!
玩玩下,又到食晚飯時候!
今次我們的晚飯是在我們的房間進行!
都是那位呀嬋,她一個人拿了幾層食品同餐具(都有十層)入我們的房間,好細心逐盤逐盤,把各食品整整齊齊放滿檯面上!
只係放,都放了成十分鐘!
因為好多燒物鍋物,Sophia睇見立刻學我們拿起筷子去攪攪攪!
對於Sophia來說簡直玩緊煮飯仔!
好味到就呢!最開心當然係Sophia,有得食又有得玩!
我很喜歡那個舊式轉轉盤電話(依然work架,撥個零字便打到去服務台!)
食完飯,又落去旅館行 下,浸個溫泉,返上房,細心的日本人又已經幫我們整好舖好張床!
上o下網(又比我search 到個免費wifi),睇下今日所影的相,在榻榻米上的床舖碌來碌去,好快便睡著!
(31.10.2008)