尋晚因為著咗對Birkenstock 出街, 唔知做咩對腳好痛, 而且尋日拎行李又拎到好鬼攰, 所以真係差d就起唔到身~~~~(好彩最後都起到, 我都話去旅行係唔同d ga la~ ^^) hotel d buffet breakfast 都唔錯, 幾好食, 而且個景仲一流添~
今日本黎諗住去garden walk outlet ga~ 但諗咗一陣, 覺得自己都未必買嘢, 而且時間又趕, 不如去新宿御苑花見花見, 再行吓大百貨公司la~
新宿御苑五年前都去過, 不過就冇櫻花睇~ 今次可以話係第一次咁近距離見到咁多櫻花, 白色ga, 淺粉紅色ga, 深粉紅色ga, 雖然顏色係單調咗少少, 但係另有一番情調~ 見住d日本人一家大少咁黎睇櫻花同埋野餐, 真係好溫馨, 好family day feel~ 我同媽咪佢哋影咗好多櫻花相, 哈哈! 可能去到大阪冇得睇櫻花ga ma, 當然見到就影多d先la~
之後行返去time square 食築地玉壽司~ ^^ 雖然要排隊, 但又真係幾好食wor~ d 魚生好新鮮, d飯粒又好好食, 仲要有少少washibi 係中間, 真係好正~ 下次要去食放題先得~~~
下午就轉機去北海度, 我哋d時間幾鬆動吓~ (哩樣嘢我平時去旅行係絕對見唔到ga~~ 哈哈!) 我哋仲可以係羽田機場度行咗一陣商場添~
去到札幌, 諗唔到得2度, 又真係好凍吓wor~ >v< 轉咗d 厚衫後, 就即刻去行街la~ 雖然去搵嘢食, 點知搵咗好耐都搵唔到間味之時計拉麵~ ,行咗一段路後, 終於搵到la, 而且仲可以係時計樓出面影咗一陣相添~ 再之後就行去T38睇景, 諗唔到札幌夜間比東京仲靚~ 可能東京d樓比較參差不齊, 冇咩美感, 但係札幌d樓比較矮, 所以好似寶石咁閃吓閃吓~ 真係幾靚~ 我相信情侶黎睇應該幾romantic~ ^^