除了少量作手信的食物外,我只買了幾本小說,兩雙繡花鞋,數件雜貨,一雙襪子。
往國內旅行,最好的地方就是可以省下買東東的錢(我講我自己咋,同團有人洗到得番分毫,仲爆喼而回)。
最後一天在鼓浪嶼作最後衝刺!買了這雙有點頂趾的繡花鞋,只怪我雙大腳累事,最大SIZE都唔啱,結果回香港後成為姐姐的手信。好靚架佢!!才88人仔。這間鞋店中還有多款高踭、平底、露趾等不同款式的繡花鞋,全部人手製造,可惜好多都冇我 SIZE....我最愛繡花鞋呢>.<。
另一團友試鞋
不過在另一間店,買到一雙紅色的,更靚!好似一百二十幾蚊人仔,好舒服,依家已經被我著到快爛了,出街被讚過冇數次,呵呵!!得依張團友試鞋時的偷拍照...... 共三隻色~紅、綠、黑。