Rosemary Garden→九十九里→幕張

:: 第6日 ( 平成21年4月10日 金曜日 晴 )

跟隨又去下一個景點：Rosemary Garden

這個花園最好地方係—出面個花園係唔洗錢！

這個花園後面又有個士多啤梨園（其實整個千葉到處都係士多啤梨園）！

Sophia不停狂食人地果盒士多啤梨（其實這盒士多啤梨只係比人試食！）

雖然我地無去摘士多啤梨（試食完唔幫襯！），但最後我們都有買一兩盒上車食！

原本想找間好日式料理做午餐，但剛剛兩點後收了爐！

之後看見吉之島，無所為，食小小野（當留肚）、買下野算把（lee個先係重點）！

點都要整件日本的cake試下！

之後我們沿著千葉東面 海邊前進，沿途九十九公里路全部圍住海邊，整個海邊都係沙灘，比澳洲黃金海岸長3倍，對出就是太平洋，沿路有好多滑浪的鋪頭！

當還有數分鐘便到今日景點時，又發生一樣每天都好驚發生，但又一定發生的事：個GPS又點錯我們路！

最老土當然係在Highway上行錯路，唔可以即時返轉頭，帶你去到老遠，唔知邊到的地方！

最後用多半個鐘先去到今日的最後一個景點（其實唔係景點、係食點先真！）：九十九里的海鮮和食・網焼き　浜茶屋　網元！

每張檯上面都有一個爐，甚麼鮑魚、龍蝦、大蜆、帶子、海螺都可以直接燒來食！

而Sophia拿著蜆貝殼不停當樂器玩！

食完後我地又馬不停蹄開車返去今晚幕張的酒店！（今天係坐車最多的一日），好彩無行錯路！

幕張總算住咁多日最旺 的地方，過了晚上八點依然有街行！

行行下的無啦啦比我們發現到一間商場內的家樂福！

對於Sophia來說，同冒險樂園無分別！

明天係全個旅程最後一天！

(10.04.2009)