呢一晚一覺訓到大天光,完全冇意識想睇日出!一起身就已經7:15...
拿拿林洗頭
仲有早餐,早餐真係好豐富!添完又添,添完又添...好唔捨得呀...
食我地尋晚雪起既芝士,不過其實...冇乜味,而且保存問題,比左Kumasan佢地~
用左500yen買kumasan親自種同曬既茶葉~真係好好味,好香濃架!
走果陣,仲掛住搬行李,留左車匙o係食飯台~haha
沿途見到呢D車...
仲一列咁,好多架~~~~本來想去美瑛站吸印仔,不過都係放棄左,驚唔夠時間!
趕不及9點班車,唯有趕9點半!(趕火車呢下真係最唔方便,因為唔係好似地鐵咁咁密,一過左10點幾鐘果班,就要12點幾先再有,所以各位一定要check清楚班次先好去「趕火車」)
番到旭川喇!超級唔捨得!
GPS 帶我地去油站,但係非常有問題...
去到既竟然係辦公室
之後問下staff,自己又認下d咩路物路...終於搵到油站~
19xxyen... 個人覺得唔錯!!!!hahaa~~(不過呢個時候...堂妹好似心情欠佳=.=)
跟住番去還車果度就好易~
由於趕火車~拿拿林拎完行李就等佢聲「ok」...
我走喇~多謝你照顧我地咁多日呀~~~
用番旭山動物園套票回程
坐自由席
好彩趕得及9:30分班車...(不過其實趕唔趕到都冇乜分別,因為...最緊要係你想唔想去札幌hea咁解)
個幾鐘..訓下訓下就到左札幌~第一件事當然係搵Locker,結果去左一個幾近4號gate(我地問staff confirm一陣o係邊個gate上車)附近既locker存放我地既仔女
跟住就去拉麵共和國買我堂妹之前就想買但又翻兜番來買番既拉麵
順手去埋100yen店
佢仲話想買一支2L水去...
登別又唔係話咁「未開發」既~~~
不過我地買左好多糖,係香港買十幾蚊,呢度105yen搞掂~~~我堂妹話勁好味架wo~~~
之後當然要去醫肚...(中途又經過批果間野,不過...試一次就算~太多會易膩:smile_o10
550yen, 仲包一杯野飲!唔錯!
期間仲有10幾個香港人帶住細路,唔知係咪旅行團呢??
之後再去100yen店買拖鞋,for一陣足湯...haha~
跟住就拎行李,再去登別!以為自己已經算早上車,點知搵極都搵唔到位...(仲走來走去...好白痴=.=)
<-- 前面係人地個位...唯有分開坐
o 係車站多等一位去過上海交流既日本服務員,如果唔係都買唔到呢張飛(唔識買呀...)
唔係好敢訓,因為隔離果個阿叔又除鞋,又流口水,仲要搵個衫袖抹口水再飛隻手去我度...大佬...點敢訓呀
不過中途有d新聞睇下都好既
仲知道新彊果d發生大件事,又話唔知北韓有彈發射左果d 野la~
落左車之後就拿拿林趕巴士(因為火車同巴士班次都幾相近,例如架車13:27分到,架巴士13:37分就開...所以好趕,仲要係咁上上落落<--登別火車站不如大家想像中咁發達...)買飛果個人仲他他條,我話要趕巴士,佢叫我小擔心,架巴士13:37先開,但係...我去到諗住慢慢來時間(當時 13:30),個司機呠我第一次o係日本聽到呠聲...司機,你m到呀?
(其實我都唔知需唔需要整理券,不過又佢啦=.=)
上到車都唔係好多人,仲同一對香港夫婦問路(佢先生拎住支CANON勁機...真係唔多敢拎自己部機出來)
我叫我堂妹去到鬼像記得影,不過影都唔見...(可能我miss左)
其實登別話大話細唔細,主要景點區其實唔係好大
一落車就係溫泉區
果時仲未意識到就係呢間酒店...
見到呢個,諗緊會唔會係樓上果d...
果刻仲諗:係咪咁mou兜呀?
(不過...又諗起我架車車喇...)
見到果間咁頹,諗諗下唔對路,望望,應該對面先o岩~!
本來諗住未到15:00,未check得in既
點知我問多句:其實幾點check- in,佢話而家都得!
嘩!正!唔係唔而家上房呀?!
一入到去:嘩~~~~~~~~~~~~~~~~~~~~~~~~~~點解同我想像中一樣既?!??!!?!?!??!!
睇佢個網相以為佢美化左,其實唔係,真實真係咁正
之後就去搵熊牧場~我地仲問酒店應該點去,佢話原來有專車去到架但係知道今晚冇鬼火睇,有d失望
去左對面旅遊協會問,佢話佢地可以call車...咁大單?!行去遠唔遠架其實?
...不過...即管call下囉~仲free添~
結果...就係我地兩個人包車,個司機都幾好人哦!!!(之後回果程我煩左佢好耐問同一條問題,因為怕佢誤解左!!!haha)
到左!!!
立即買張飛先唔好講笑~hahahaha~(不過貴左~係3300yen先o岩呀~)
跟住坐纜車上去~
其實同海洋公園冇咩分別
不過我堂妹既形容係拋出去,搞到我有少少驚驚地
終於上到去,好想賽鴨,不過冇乜抽獎運,都係算吧啦~~~haha~(連睇都冇睇~不過真係好得意)
之後去睇熊...見到佢地真係好慘...
不過唔咁樣又冇得食...
各位善長,記得去到買多d~
出浴照
微笑的熊
請請
.... 我係1歲高少少...
望出去係俱樂多湖(不過人唔多夠高望遠d)
入左博物館睇野
見到呢個心寒左
冇左個下巴...(熊之獵物)
幾乎所有熊都係呢個姿勢!
<-- 試左...
我地都唔急於o係度買手信,不過都買左d咁樣~hahahaha
坐番纜車落去lu~去下一站~地~獄~谷~