新宿→上野恩賜公園→不忍池→上野阿美橫町→新宿蟹道樂
:: 第2日 (平成21年4月6日 月曜日 晴 )
搭JR最差的地方係有多站都無電梯，經常要行樓梯！（最終辛苦了SoBa）
已經好久無搭東京地鐵，所以睇左地鐵圖好久才知點搭！
去到上野，果然日本網頁RuRuBu無講錯，上野恩賜公園今日100%滿開，有D開始見頃tim！
上野果然名不虚傳，係東京睇櫻花必到的地方，成條路幾百米兩旁都係滿開的櫻花樹，望上去成個天都係櫻花，仲勁過新宿新宿御苑！
當風一吹過，櫻花好似落雨一樣落下！
日本人永遠最細心，一早把地蓆佈好在路的兩旁，免費給大家坐在櫻花樹下賞櫻！
我們近著人流，行下行下去到好多街邊鋪的地方！
兒時睇日本卡通片時常有撈金魚，今次去到日本真係可以親身體驗下！
最後有SoMa幫忙之下，撈到一條金魚咁大把！（千其唔好問我現在條波兒在那裡？當大家追之後幾篇Blog時，如發現波兒再無出場，醒目的你便知她去了那裡！）
行行下去到個湖邊，見到好多人玩緊天鵝艇仔，我地又忍唔住帶Sophia一邊踏艇，一邊賞櫻！
我們踏艇仔都遇上幾次好勁櫻花雨（因為Sophia經常亂咁扭呔，成日都撞到岸邊的櫻花樹枝！）
之後才知這個湖叫不忍池！
Kiss Me under 櫻花樹 & Say Goodbye to 上野！
去到上野，點都會去果條叫"乜乜橫"街買下手信！
原來家下上野開了間好大手信店名叫二木の菓子（我都好久無去上野！），日本食品非常之多同齊！我們都買了不小作手信！
行行下忽然見到壽司店，雖然跟隨返新宿食晚餐，但忍唔住入去食返幾件壽司！
返到新宿，又食過！
今次食好多香港人好喜歡食蟹道樂！（我們一坐低，便聽到隔離房已經係香港人！）
你睇HoHo成塊面紅晒，成晚都顛顛得得，我們好有理由相信，他可能在我們不為意之下，偷偷偷地飲了那家食店送給我們杯酒！Oh My God!
飲飽食醉之後，明天我們開始遠征！