![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100409102945321.jpg?ib_____DnQNAYbXj)
28.03.10 SUN
.
出發LAW....晴牛都冇病冇痛...正!!
一早05:00 Daddy就起身準備, 媽咪緊係磨按摩到last min. la...玩精晴晴要起身, 緊冇問題啦,,,估唔到喊包精牛牛今次冇喊喎...食埋個早餐就出發啦...
05:45 晴晴今次仲由31樓搬喼到樓下, 牛牛今次醒啦...掂都唔掂吓個喼...
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100409104856336.jpg?ib_____D9V_aB4ui)
book左 06:00, 當然要等啦....我地等左陣, 仲見到嫲嫲行晨運來送我地車, 跟住有架的士駛埋來, 但係個車牌又唔之前媽咪book個架...問個司機又話係呀係呀...咁我地就上車啦...個司機就問啦行邊樹好唔好...媽咪心諗行邊都咁多架啦....
跟住當架車去到美孚, 媽咪突然收到個司機電話話見唔到我地...哦, 原來我地真係上錯車...個司機等左一陣, 就話你搭開幾多收番我地幾多..哈哈真係生意難做....
今次daddy唔洗食早餐, 所以好悠閒, 媽咪仲有時間行disney shop, 可惜冇收獲....晴牛當然又去佢地個小飛機到玩啦....
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100409104945600.jpg?ib_____DjqmkBWef)
呢 架就係我地今日架機KA486, 係2,3,2...終於都坐到部大小小既機啦...(因為晴牛坐在三次飛機, 三次都係港龍, 三次都係坐3,3, 哈哈今次回程都唔例外)
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100409104926911.jpg?ib_____DgYXXPzV2)
充滿期待既旅程......
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100409102922735.jpg?ib_____DfAZjh2C2)
真係話咁快, 一個鐘頭食埋野, 君如個訪問未睇完已經到左, 媽咪去之前問左亞matt
有冇book兒童餐, 佢話book左啦...點知等左好耐都冇, 跟住媽咪問空中哥哥, 佢話媽咪冇book, so bad, 媽咪問佢有冇小朋友袋送, 佢話有遲d擺比我, 但係到落機都冇o 回程媽咪醒啦, 早一日自己打左個電話去港龍book, 所以回程就有齊啦....
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100409102814517.jpg?ib_____DsTq184Hz)
雖然班機DELAY左, 但係我地10:XX都到左台北機場, 媽咪未出閘, 見冇咩人換錢, 所以都換左先, 今日個rate係3.967, NT30手續費...
媽咪BOOK左動力摩克(NT1800.00)去飛牛牧場, 我地出閘, 司機叔叔已經係閘口等緊我地...媽咪要買張電話咭, 問司機叔叔去邊到買, 點知比佢老點左...原來要上三樓出境位置先有得賣, 點知上到去要有passport同埋台証先買得, 媽咪d証件係哂daddy到, 又走番一樓擺返先再買得, 攪左一輪終於係"台北大哥大"用左NT345蚊買左張咭, 都幾抵架個姐姐話可以講一個鐘頭香港長途...
呢架WISH就係我地今日架車啦.....
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100409102739535.jpg?ib_____DSGbEgS1L)
我地去左SEVEN買左D小食就出發啦...呢個車程大約2個鐘, 仲長過機程..晴牛食飽玩完就訓啦....真係VERY GOOD啦.....
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100410102321906.jpg?ib_____DKM_wShZI)
經過通宵鎮個隨道, 好快就到左我地既目的地......
![](http://f20.yahoofs.com/hkblog/jiKqfwSTEhUjFU5Jc7CZaWMf_184/blog/ap_20100410102420643.jpg?ib_____DZ8IJRQ5c)
因為四人房同二人房差好小錢, 所以媽咪今次BOOK左4人房(NT4930一晚包早餐), 晴牛當然好鍾意呢間房...入到去左跳右跳....
休息一陣, 準備出去玩啦.....待續...
[ 第一日行程 の Part 1 - 出發篇]
3107-->香港機場-->台北桃園機場--->飛牛牧場