睇完呢個假嘅豐南門之後，我哋就揸車去睇一個叫做全州韓屋村嘅地方。原來都幾近下個喎，唔洗15分鐘就到咗喇。搵個位泊低架車之後就周圍睇嘢喇，我哋架車就泊咗係一間造紙嘅韓屋門口，其實呢個韓屋村基本上係以韓國照舊時嘅屋起，然後好多都係會前舖後居咁，非常有特色，絕對推介各位睇到我呢一篇嘅人去參觀下。不過，全州嘅交通唔係咁方便，大家可以考慮一下另外一個間首爾嘅韓屋村，叫做南山谷韓屋村，不過我無去過唔知道係咩樣~~~如果大家去過就話我知喇 !

全州韓屋村其實係匯集咗七百幾間嘅韓屋，號稱韓國國內最大規模嘅傳統韓屋村，更有好多古蹟座落係村落中。哦~~~都係講返我哋嘅旅程先，我哋一見到呢Ｄ咁有特色嘅嘢，當然就係到不停影相啦。影完本來想行入去睇下呢間造紙嘅韓屋，但係我哋睇睇下佢好似唔招呼客人咁個喎，於是~~~最後我哋都無入到去。轉個灣，我哋就去咗呢個旅客中心攞咗Ｄ資料，然後就係都四處睇嘢、影相，有Ｄ韓屋入得嘅我哋就走入去睇嘢 !

呢到就係韓屋村喇...Ｄ屋係咪好有特色呢 ?

呢間係造紙架 !

成條街都整得好靚架 !

望到呢一間係一間餐廳來架 !

呢一間係一間畫廊

呢間呢係~~~~唔知道係咩....嘻嘻 !

全州韓屋村
全羅北道全州市完山區校洞, 豐南洞一帶
網址: http://hanok.jeonju.go.kr(韓英日中)

南山谷韓屋村
首爾市中區筆洞2街84-1一帶
網址：http://www.hanokmaeul.org (韓英日中)