梅田 --> 淀川區(中野屋)  --> 新長田駅(神戶) --> 三宮 (神戶)
--> 難波 (大板) --> 心齋橋 --> 難波 --> 東三國駅(中野屋) 

  

係下個旅程前必須完成埋呢輯關西之旅.....

一早起來check out, 在梅田站附近食個早餐先!

 

然後坐JR去民宿跟朱姐匯合, 放低行李, 立即出發去神戶去搵鐵人28啦!

本來無打算去神戶, 真係因為想睇鐵人28先加左呢個行程,

它座落在JR神戶線的新長田駅"若松公園",  一出站就見到 D POSTER,

沿途仲貼住指示, 連地圖都唔洗睇就搵到啦, 嘻嘻...

Website : http://www.kobe-tetsujin.com/monument.html

 

終於見到啦...洗唔洗咁大個呀! 係唔係1:1比例?

日本人真係勁, 連細節都兼顧晒,  完全係同原裝一模一樣,

好似真的鐵人28在你眼前!

 

搵左位亞叔幫我地影合照, 竟然無左鐵人個頭.....真係攪野!

 

影左個幾鐘, 帶著依依不捨心情離開.......

諗住去搵埋個三個誌及鐵人28博物館.

 

見到有大板燒, 為食的我地當然不要錯過, 即整即食超正呀!

 

繼續努力搵....點解無? 最後發現原來要12月6日才開張大吉, 哈哈.

 

跟住諗住坐地鐵去三宮駅食神戶牛做lunch啦,

又被我地見到Mister Donut, 那又香又甜的味道, 結果忍唔住又食.....

好懷念donut 呀!

 

去到三宮站已經2點幾, 弊.......

醒起d餐廳可能會落場添, 旅遊書介紹的都已經唔做生意了,

最後好辛苦先搵到間肯招呼我地, 不過無得超抵的lunch set 已經沒有了.

鋪頭係條橫巷內, 要坐lift上, 樓下入口好殘舊咁.....

但一出lift 就見到放滿晒獎座啦, 估唔到比我地搵到間好野!

入到店內簡值係嚇我地一跳, 裝修得好靚, 會唔會好貴?

叫左 2 個神戶牛SET 4個人share,

除了200g神戶牛, 有湯 +沙律+炒菇&雜菜+飯 + 飲品,

成為 ¥ 4480 / set.

 

WoW, 好厚好大件, 呢個份量係 400g了

好唔好食?

牛的d 脂肪分佈平均, 煎得香香, 咬落去d內汁吱出黎, 外脆肉軟,

,我地只係叫中價的, 但己經無得彈, 連平日唔食牛的朱姐都讚好!

廚師見我肥嘟嘟仲驚我唔夠飽, 叫人添左碗飯比我,

珍珠米煮的飯 + 神戶牛 + 脆卜卜蒜片, 簡值係極品啦!

2 sets 都夠晒我地4個女仔食, 所以平均每人都係HK$200,

呢個價錢食到呢個質素, 招呼又好, 真的很抵!!!

當然若果我地食到lunch set 仲抵, 好似只需約 ¥3000/set 吧.

我地帶著非常滿足的笑容離開神戶, 開始行程僅有的一晚shopping夜!