31-12-2009 to 6-1-2010 台北+花蓮
誇年遊,做左好多我以前一直覺得我做唔到既事~感受左好多香港未必感受到的東西!
Day 1
去台灣again!!!
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080551800.jpg?ib_____DUzN0DXij)
又係搭中華航空,今次食得好少少喇!
一落機,到酒店check-in,本來我們到捷絲旅西門町店住的,唔知酒店發生咩問題,話要我們到林森館,我真係好唔想住的,不過,撞正除夕一定搵唔到酒店,迫於無奈就住左3晚。之後去左袖珍博物館,行完就去下一站自由廣場。行左咁耐當然要醫下肚啦~去左饒河街觀光夜市掃街,食飽飽就去101附近霸位睇倒數!台灣對於呢個倒數活動真係好重視,將101附近幾條大街封左,比市民睇倒數煙花,真的很有心。
不過最壞的地方是,封晒路,咩交通工具都冇,要用腳行返酒店呀~一路行一路經過勁多個地鐵站,行左大半個台北咁濟,行左成粒幾鐘!!!勁呀!
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080615924.jpg?ib_____D5fYeCDmQ)
台灣倒數活動真係好成功,非常有氣氛!!
Day2
重點節目係小人國,因為多啦A夢in there~
一早起身,諗住搭去小人國既巴士,點知搵極都搵唔到係邊到搭,之後唯有改搭去龍潭的巴士,再轉搭的士入去啦!
見到多啦A夢真係好開心,去到邊都見到~
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422083437903.jpg?ib_____DQzO2YaEf)
小人國入面有好多野玩,當然有我至愛的漂流啦~玩到全身濕晒,不過都好正!
可以參觀多啦A夢既世界,仲可以見到真人版添!哈...
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422083448621.jpg?ib_____D8AQCkkcO)
去完小人國搭返車返台北,由於我們係小人國玩到最後一刻先走,搞到好夜先出返去台北,勁趕咁走去台灣故事館,睇左1小時咋,因為人地要關門喇!
下一站西門町,行下睇下野...再到華西街夜市食野,不過果度野食就唔多岩口胃,因為好多蛇店食蛇羹的,同埋,這裡的店主好像不太歡迎我們的遊客,等左好耐同佢講左要咩,佢都唔理我們囉~ 都冇晒心機喇!
Day3
是日鐵路遊!
首先由瑞芳搭火車到青桐,睇岩時間夾好晒,就出發!
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080626419.jpg?ib_____DGYIPGB0x)
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080637690.jpg?ib_____DvKjgZ8Zq)
來到青桐一定要食呢度好出名的雞卷,真係正到爆呀!唔食就走寶~我食完好想再買架,不過排好長龍,唔想等,唯有將呢種味道收埋係心到啦!
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080650870.jpg?ib_____DP1ZwJlka)
兜晒成個青桐就用我們雙腿行去平溪!我起初以為要行好耐先到,好驚會辛苦。原來都唔係呀,行左半個鐘到,全程睇下景咁,好快到!
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080703477.jpg?ib_____DuV6fmeSY)
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080717788.jpg?ib_____D5Dzs_bru)
去到平溪食左d野,行下咁,又要睇時間趕下班火車到十分喇!
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080730289.jpg?ib_____Dw8bNns07)
我們到十分的主要目的是放天燈,嘩,好正呀!可以放天燈,第一次玩咋!!放之前見到隔離果個人放放下燒著左,好驚我們都會呀,好彩我們都係成功架!![](http://hk.l.yimg.com/hk.yimg.com/i/icon/16/67.gif)
![](http://f20.yahoofs.com/hkblog/Z_FycomFGRk6c7UNuFvDE7Uo_6/blog/ap_20100422080740810.jpg?ib_____D0souYz5V)
行左一陣,好快已經天黑喇,要趕住去埋九份,完成上次冇去到的九份!
不過上到去,唉,超唔開心,勁大霧,咩都睇唔到,行行下又落勁大雨喎,都唔知係霧定係雨呀?!
明知咁大霧,但有人都依然仲想到101觀光塔頂層睇景,仲要得返一個鐘,於是又趕上去睇啦~ 初初真係勁大霧,咩都睇唔到,我心諗真係曬錢呀! 真係比人"恨"到啦~ 睇睇下真係突然好天起黎喎,d霧散晒,睇到全景,勁開心呀!睇到人地關門先走,又突然落大雨,最後都去唔到士林食野,不過我上次去過,唔緊要!