31-12-2009 to 6-1-2010　台北＋花蓮

誇年遊，做左好多我以前一直覺得我做唔到既事～感受左好多香港未必感受到的東西！

Day 1

去台灣again!!!

又係搭中華航空，今次食得好少少喇!

一落機，到酒店check-in,本來我們到捷絲旅西門町店住的，唔知酒店發生咩問題，話要我們到林森館，我真係好唔想住的，不過，撞正除夕一定搵唔到酒店，迫於無奈就住左3晚。之後去左袖珍博物館，行完就去下一站自由廣場。行左咁耐當然要醫下肚啦～去左饒河街觀光夜市掃街，食飽飽就去101附近霸位睇倒數!台灣對於呢個倒數活動真係好重視，將101附近幾條大街封左，比市民睇倒數煙花，真的很有心。

不過最壞的地方是，封晒路，咩交通工具都冇，要用腳行返酒店呀～一路行一路經過勁多個地鐵站，行左大半個台北咁濟，行左成粒幾鐘!!!勁呀！

台灣倒數活動真係好成功，非常有氣氛!!

Day2

重點節目係小人國，因為多啦A夢in there~

一早起身，諗住搭去小人國既巴士，點知搵極都搵唔到係邊到搭，之後唯有改搭去龍潭的巴士，再轉搭的士入去啦!

見到多啦A夢真係好開心，去到邊都見到～

小人國入面有好多野玩，當然有我至愛的漂流啦～玩到全身濕晒，不過都好正!

可以參觀多啦A夢既世界，仲可以見到真人版添!哈...

去完小人國搭返車返台北，由於我們係小人國玩到最後一刻先走，搞到好夜先出返去台北，勁趕咁走去台灣故事館，睇左１小時咋，因為人地要關門喇!

下一站西門町，行下睇下野．．．再到華西街夜市食野，不過果度野食就唔多岩口胃，因為好多蛇店食蛇羹的，同埋，這裡的店主好像不太歡迎我們的遊客，等左好耐同佢講左要咩，佢都唔理我們囉～　都冇晒心機喇!

Day3

是日鐵路遊!

首先由瑞芳搭火車到青桐，睇岩時間夾好晒，就出發!

來到青桐一定要食呢度好出名的雞卷，真係正到爆呀！唔食就走寶～我食完好想再買架，不過排好長龍，唔想等，唯有將呢種味道收埋係心到啦!

兜晒成個青桐就用我們雙腿行去平溪！我起初以為要行好耐先到，好驚會辛苦。原來都唔係呀，行左半個鐘到，全程睇下景咁，好快到!

去到平溪食左d野,行下咁,又要睇時間趕下班火車到十分喇!

我們到十分的主要目的是放天燈,嘩,好正呀!可以放天燈,第一次玩咋!!放之前見到隔離果個人放放下燒著左,好驚我們都會呀,好彩我們都係成功架!

行左一陣,好快已經天黑喇,要趕住去埋九份,完成上次冇去到的九份!

不過上到去,唉,超唔開心,勁大霧,咩都睇唔到,行行下又落勁大雨喎,都唔知係霧定係雨呀?!

明知咁大霧,但有人都依然仲想到101觀光塔頂層睇景,仲要得返一個鐘,於是又趕上去睇啦~ 初初真係勁大霧,咩都睇唔到,我心諗真係曬錢呀! 真係比人"恨"到啦~ 睇睇下真係突然好天起黎喎,d霧散晒,睇到全景,勁開心呀!睇到人地關門先走,又突然落大雨,最後都去唔到士林食野,不過我上次去過,唔緊要!