行程:利尻/禮文島一日遊

一早起身食早餐, 發現我雖然好鐘意食日本嘢, 但真係唔多鐘意食日式的早餐~
飯呀, 漬物呀, 生蛋呀, 真係好怪~
不過為咗一日的行程, 一定要填飽個肚先得~

經過尋晚的搵路後, 今日好順利咁去到個ferry terminal~ (唔好信本旅遊書, 點人ga~)
上到船後, 發現d 座位的安排真係幾怪~
有d似難民走難咁~ 個個坐哂係地下, 不過可以係地下瞓咗覺lor~ >v<

出去甲板見到d人係度餵海鷗, 第一次見到d海鷗飛得咁接近~~ 好型ar!

第一站利尻島我哋決定join local tour~
可惜我地唔明日文, 全程都唔明個導遊小姐係度講咩, 有d似催眠曲咁~
不過利尻島d風景都幾靚, 特別係姬沼, 個沼真係好清好有世外桃園feel~

本黎見到有d手信都想買ga, 但可惜我哋冇晒錢, 問個導遊小姐, 佢又話利尻島冇atm 機wor~
我地好擔心咁繼續我地的禮文島行程~

擔心都冇咩用, 咁不如去食嘢先la! 當然去食海膽丼la~
途經郵局諗住入去寄寄信, 一睇! 嘩! 原來有atm機wor~
太好la~ 終於有錢用la~

好放心咁食完一個好鮮味的海膽飯後, 就繼續我地的行程la~
開頭諗住租車ga, 最後都決定租單車就算~
但得返1個半鐘, 我地本黎想上車睇吓花ga, 點知咩都睇唔到, only 繞著個海黎踩~
有d吐露港feel 添~ ^^

我地途經間神社, 之後再入咗個town 仔, 之後就見到條行山徑la~
可惜因為時間的關係, 行得兩行就要回頭~ (我仲要因為太多石的關係唔小心pk咗一次添~勁痛~)

夜晚住的觀星莊感覺勁正, 個莊主好nice 好friendly~
佢好鐘意每個backpacker 都好好溝通吓~ 可惜我哋唔識日文, 唔係太明佢地講咩~
但莊主都好有心機咁安排我地坐係識講英文的ann小姐隔離, 總算溝通到~ ^^

我哋坐係個lobby 度, 一邊觀住日落, 一邊食dinner, 感覺好浪漫~
貴價餐廳都俾唔到哩種享受ar~

夜晚最特別有一個hostel meeting, 大家一齊係度傾吓聽日會去邊同今日做咗d咩~真係好warm ar~

可惜哩幾日個天都好多雲, 最後都係睇唔到星星~
殘念ar~