今天一大清早，我們就去了看黑醋如何製造出來，當然是一個selling place啦! 不過，我本身在香港都好喜歡飲及都知道賣得貴，所以都好想來這裡看看有關黑醋的製造!
原來，製造黑醋都不容易呢! 一年只製造4萬瓶，就是以下這些，一個一個排好! 又要聽佢地0的發酵聲，又要看看溫度，每天都是這樣的做，日本人真的很認實及仔細，而且是專做一樣工作，不會分心! 有時都幾佩服佢地!
看完，當然有試飲，我自己都覺得幾好入口，但是原味就不太喜歡，所以買了一支蘋果味...不過，而家後悔緊...原來不多，早知買多2支啦!
後面就是櫻島火山，我們都好喜歡這兒，sumitro 話，佢想係度做黑醋wor! 下午，我地去了天文館街，仲以為有得shopping，但賣的以中年以上人士物品為主，而且時間很不足，因此我們咩收獲都冇! 最後，只在一間supermarket，買左好大個apple (200yen 咋)，仲有好多平生果及一些零食...走人!
今次的旅程中，有兩個活火山睇! 阿蘇山就可近距離，可以見到浴岩沸沸下! 但去到櫻島火山，就遠觀，包括它會噴灰啦! 仲有，黑霧彌漫啦! 在這個櫻島上，只有4千人在居住，隨時都會爆的，真的幾危險!
當天天氣很熱，在這裡真的熱得要命! 其實，我們已經在鹿兒島，最出名就是肥仔蘿蔔及柑，但過左季節，所以就未能嚐到那些果汁，在這裡買芒果汁飲，飲到差唔多尾聲時，突然一陣風，吹晒0的黑灰落杯，冇得飲! 及完成這程後，都覺得好似好多灰stick 住自己，要洗手及洗面!
以上的就是大蘿蔔，不過有點乾乾的，哈!~其實，在這裡的風景不差的，問題真的很多塵! 好多灰!~ 之後，我們去了百人足湯，由於曬到傻，0的水都好熱，個環境的確很不錯，但就是天氣，大家都想早點回車啦~!
