最後做返個總結，由於今次係4月份Airasia 做promotion 既時間買0票價既機票(只係比TAX同FUEL)。

所以今次酒店+機票只係$11XX，真係好抵好抵。而各團友既洗費由3千多都4千多不等(包括所有野)。

以下就係女團友既收獲，哈哈。

其實今次各位團友對曼谷既印象都唔同，有人黎左4次，有人第一次黎。所以係PLAN 行程既時候都盡量滿足唔同人。

但可能因為咁，有D地方唔係咁多時間去慢慢體驗。不過曼谷豈會是只去一次既地方呢，所以下次等PROMOTION 再黎過。

今次唯一有小小唔滿意既地方就係食，好似講唔出邊餐特別有印象。下次一定要好好食返夠本。

另 外一方面，雖然今次黎曼谷同我上一次黎，感覺進步左好多，D 人好NICE。但係塞車問題依然好困擾我地。

同埋雖然的士係好平，但係遇到好司機既機會真係一半半。依我經驗，藍色的左係最好的，同普遍單色的士都係比較好人。

但係每次由一個景點去另一個景點，最辛苦都係要同的士司機交涉，由令到佢明去邊至到打唔打標都係。

希望下次黎個陣會有改善。

最後一樣想講就係電話卡，其實我係香港已經用$20 買左HAPPY CARD。

當然去到當地亦都好易買到，我地5個SHARE 一張，都係定時打番香港同埋上下網搵番自己係邊。哈哈。

我地5日5個人總共用左300B。比起漫遊真係平好多。