日期 : 3/4/2010
天氣 : 天陰 & 微雨 & 大霧
行程 :
水舞谷關(台中縣和 平鄉博愛村東關路1段115號)(A點) > 薰衣草森林 (台中縣 新社鄉 中和村中興街20號)(B點) > 埔里酒廠 (南投縣埔里鎮中山路三段219號)(C點) > 清境楓丹白露 (南投縣仁愛鄉大同村仁和路179之7號)(D點)
行車里數 : (107 公里 – 大約 4 小時 4 分鐘 )
今日嘅行程就係會去清境，途經新社同埋埔里會睇 一睇嘢。早餐就係包埋嘅，諗住都係無咩選擇架啦，點知都有Ｄ驚喜喎 !! 簡簡單單但係又幾好食喎 !!
早餐未到，就出去影下相先 !! 出面周圍都係霧~~~
西式早餐，其實都幾豐富
中式早餐，有粥食(重要係可以添食~~)，Ｄ伴菜都幾好味
飲品有咖啡、奶茶、鮮奶同埋果汁
酒店外面嘅景觀
好啦，食完早餐我哋就出發去我哋第一個景點薰衣草森林，將Ｄ資料咗去個 GPS 到，但係我哋臨離開谷關要影下呢個谷關吊橋先，行過去都幾係嘢，因為我尋日行過去睇過 !! 所以就臨走前兜過去睇睇啦.....
呢到Ｄ水係熱架，唔知係唔係到係溫泉水來嘅呢 ??
呢條吊橋都幾特別，但係就可以同時行多好多個人啦...
條橋下面滿目瘡痍咁，唔知係唔係舊年風災同地震影響到嘅呢 ?
離關谷關，我哋向新社嘅薰衣草森林出發，但係個GPS唔知點解帶我哋行咗Ｄ街市小路，最後個位置 都唔係個個來嘅.....咁唯有再入多次啦，呢一次又Show咗去第二個地方喎 !! 咁即係頭先去錯地方啦...行行下又見到Ｄ狗瞓係路中心喎，唔知點解台灣Ｄ狗咁鍾意瞓係路中心個喎，已經唔係第一次見到架啦 !!
唔知點解Ｄ狗咁鍾意瞓係路中心個喎...
我哋大約九點半到離開谷關，大約11點幾先到薰衣草森林，都要成個幾鐘嘅車程，如果中間唔係帶錯路可能會快少少都唔定 !!
到咗個薰衣草森林，係門口到影下相，然後買票入場，原本長者係免費個喎，真係好 !! 重有就係佢會俾返相同價值嘅代用卷俾你係入面買嘢架，都幾好喎 !! 入都去當然係咁影相啦，Ｄ薰衣草都未開晒，不過都幾靚下 !! 係入面到不停影呀~~~影呀~~~又食下雪糕~~~咁就玩咗成兩個幾鐘喎 !!
呢個就係個入口喇...
話要潔淨下個身先喎
Ｄ薰衣草都未開花，開咗應該會幾靚
呢一棵樹都幾大棵架，重有就係我哋差不多走嘅時間又再起霧
入面有間商店可以買下Ｄ花嘅Product
我哋走嘅時候都差不多成點半鐘到，但係各位團友都重未有肚餓嘅跡象喎，於是乎我哋就直接去下一個景點啦....就係埔里酒廠。但係去埔里酒廠條路都幾多灣，沿途行有一位團友(外父)重要嘔吐添，令到成車人精神為之一振，最攪鬼就係佢嘔Ｄ聲好似環迴立體聲咁，好攪鬼 !! 行行下見到有個油站，於是就順便去入下油同埋去方便方便，重有就係俾Ｄ暈浪丸Ｄ團友食下，原來二嫂到有Ｄ唔舒適。
入下油先，呢一次係第一次加油
入完油休息完一陣就繼續我哋嘅行程喇，我哋去到埔里嘅時候都成三點幾，即係用咗成差不多兩個鐘先由新社開車到埔里，去到埔里酒廠，就見到人山人海咁，可以呢一日係星期六下午多人參觀呱。入到去行下睇下Ｄ造酒嘅歷史，睇下Ｄ買嘢嘅地方，然後我哋就去食下呢個台灣紹興酒腸仔喇。其實都幾好味，二哥同三哥佢哋重要每人隊咗兩條添呀。跟住就去買下Ｄ地道 嘅食品，每人都買咗Ｄ嘢下~~~~之後就去食下呢個寒天酒釀豆腐花啦，唔~~~酒釀味道唔係好勁，豆腐花都幾滑。然後就周圍影下相咁，本來想食下呢個米粉嘅，但係各人好似唔係好肚餓，所以睇完我哋就驅車去我哋今晚嘅住宿啦 !!
呢到就係酒廠啦...
真係重釀緊酒架
係酒文化館入面都有唔少海嘅資料
買嘢嘅地方人山人海咁.....
呢條就個條美味嘅紹興酒腸仔啦....
睇下排晒長龍咁架
呢個豆腐花就一般啦...
台灣舊年921地震對海廠造成嘅損壞都唔少 !!
離開酒廠我哋用咗大既個半鐘到先到達我哋今晚係清境嘅住宿清境楓丹白露 ，沿路行Ｄ路都幾好行，無好似由新社落去埔里咁多灣 !! 同埋都容易搵到間民宿。泊好架車，放好晒Ｄ行李，原來都已經到咗食晚飯嘅時間啦。係我哋Check-in嘅時候遇到幾個香港人，佢哋話今朝早去睇日出，但係睇唔到，反而睇咗雲海 !!
食晚飯嘅地方係樓上，呢個晚餐係一個火鍋，款式就唔係好多，但係就好過無啦，其實都叫做 Okay 嘅。食完嘢返房見到Ｄ霧散咗，於是乎，我哋就出去睇下星星啦。一路向住合歡山方向行，行行下停低睇下，都見到幾多星同埋一Ｄ星座。諗住再上高Ｄ應該會再多Ｄ，點知反而無第一個位咁多星星睇到 !! 最攪鬼就係三哥，黑麻麻帶住副太陽眼鏡(事源係因為有人襲擊三哥，整跌副眼鏡，所以三哥就要長期帶住副太陽眼鏡啦)於是就驅車返民宿啦 !!
係驅車返民宿途中諗住去清境個市中心到睇下嘢同埋食下嘢，點知突然之間好大霧，大霧到睇唔到前面條路，於是唯有直接返民宿，但係大家都唔知我哋家下係邊一 到，同埋民宿係邊一到，好在我哋一轉個灣就見到我哋民宿個入口啦~~~無驚無險就返到民宿啦~~~~大家返民宿就各自返去休息 !!
呢到就係食晚餐嘅地方啦(早餐都係係呢到食架!)
食晚餐嘅時候非常之大霧
係廁所入面貼咗Ｄ幾抵死嘅嘢
晚餐都幾Okay
間房好大，因為呢一間係四人房(因為館主幫我哋Upgrade咗)
廁所都好大架
夜晚睇都幾正架
我哋食完飯就去咗呢到啦...係有2309公尺高....
再上高Ｄ....星星就見唔到，車尾燈就見到好多
全台灣最高嘅7仔
Ｄ食品唔係有問題，係因為氣壓所以先會漲晒