今日係小樽一日遊~ 之前睇情書時已經有d想黎小樽ga la~ 因為覺得個情懷好浪漫, 淡淡的, 好似水彩畫的感覺~ 去完小樽, 發現小樽比想像中更浪漫, 全個小鎮的靈魂便是硝子, 即是玻璃的意思, 除了硝子外, 還有2樣東西作襯托, 音樂盒及運河~
唔知係咪尋晚冷到, 今朝係咁流鼻水, 好似病病哋咁添~~~ 點知去到小樽發覺比札幌更凍~~ >v< 首先行咗一陣三角市場, 買咗少少帆立貝同美味的strawberry~ 之後就去運河出發! 去到運河發覺冇想像中更特別, 不過影出黎又幾靚wor~ ^^ 去咗對面的出拔小路的石水食天婦羅, 嘩! 雖然細細間, 坐得5-6個人, 但係真係好好味! 每樣材料都炸到脆脆的, 但又一d都唔油wor~ 真係好正!
之後繼續去硝子鋪出發~ 可能係女仔的關係, 見咗d 閃吓閃吓的東西, 就唔知點解會俾佢哋吸引咗~ ^^ 哩度d 玻璃有好多款, 而且仲有d係唔同燈光下會變色ga~ 最後我哋買咗2個sakura的杯杯, 好可愛ga~ 小樽雖然得一條街行, 但每間鋪入吓去睇咁, 都花咗幾個鐘~ 係letao食完tea後, 就去咗睇蒸氣鐘, 原來入面間鋪係賣音樂盒ga~ 嘩! 又係好靚, 真係好想買個返去, 不過見冇咩時間, 又諗唔到要咩歌好, 所以都冇買到! 殘念~ 下次去先買la~
夜晚去咗食好好味的寛壽司, 又係好正! 好特別是墨魚素麵, 佢用個海膽做汁底真係十個正~~~ ^^ 個老板娘仲好friendly 咁同我哋係門口影相添~~~ 哈哈~~~
今晚要早d 訓, 唔係聽日真係病重咗就慘la~~~