呢個韓屋村其實真係幾多嘢睇,如果大家真係去的話,可以花2日時間係到遊覽下,講返我哋先,我哋一路行一路睇,行行睇地圖去咗一個叫"慶基殿"嘅地方。睇落去又唔係好遠個喎....咁我哋咪行去睇下喇....呢個慶基殿係免費參觀架 !
慶基殿係朝鮮建國後,為咗恭奉太祖於六百年前建造的。係以前任何人經過呢到都一定要下馬,而且嚴禁雜人入內。但係現在呢到已經變成公園一樣的地方,非常有趣。
入面其實都有D似中國嘅大夫第放咗D歷任皇帝嘅畫~~~入面都幾大下,我哋重以為呢個就係慶基殿添 ! 原係個慶基殿係係隔離架...好在...唔係就會睇漏嘢...呢個慶基殿入面有D比較細間嘅韓屋,入面主要係放一D日常用品,不過就無得入去睇,只可以睇到間屋嘅外咋 ! 睇完呢個慶基殿,一行出去就會見都一棟好有歐洲式建築嘅教堂 ! 睇地圖原來叫殿洞聖堂,都幾靚個喎...不過其實都幾得意,一D古式嘅韓國建築物同埋一D歐陸式嘅建築物放埋係一齊 !!
慶基殿大門入口
慶基殿對出街景
慶基殿對出街景另外一面,大家睇唔睇到個聖堂呢~~~~
呢個門檻有無D似日本嘅廟宇呢~~~~
富有中國色彩嘅建築物
呢個就係放咗歷任韓國皇帝畫像嘅地方
呢件嘢唔知做咩嘅呢 ???
入面好大架....係放歷任韓國皇帝畫像嘅左右前都有唔同嘅嘢睇架
嗱~~~呢到先至係真正嘅慶基殿呀 !
就係呢幾棟韓屋喇...
呢棟係放糧食架 !
其中一棟係廚房
呢個呢...就係整米餅
遠睇呢個殿洞聖堂係咪好靚呢 ???
近睇重正呀 !
大家估下呢一間係咩來嘅,原來係醫院來架 !!
慶基殿
全州市完山區豐南洞3街 102
殿洞聖堂
全州市完山區殿洞200-1