行程: 神戶之行(元町商店街,南京町,北野異人館,新神戶纜車,herb park,神戶港,難波一帶)

今日行得勁攰~ 真係行咗好多路~ >v<

神戶係一個海港, 同上年我去北海道時的函館差唔多~

可能因為海港的關係, 當時有很多外國人黎經商, 所以一樣有好多外國人的房屋及領事館, 好有歐陸feel~

我哋今日的行程係元町商店街->南京町->北野異人館->新神戶纜車->herb park->神戶港->難波一帶

係咪見到個行程都覺得好趕呢~^^

一朝早就由梅田搭車去元町, 搭阪神去元町係最抵ga, 只要310yen就ok la~

去到可能太早, 好多店鋪都係岩岩開門, 下次去的話可以預10:00後先去~

最後我哋行咗一陣大丸~

日本人真係唔同d, 好似一d好簡單的東西, 泳衣咁, 佢哋都可以分開好多唔同的種類, 你鐘意露幾多肉都得~

想露多d, 可以買普通比堅尼, 想少d, 又可以加條裙子, 或者吊帶裙都得, 真係要咩有咩~

行完大丸就去食美味的神戶牛~

嘩!諗唔到勁難搵~~~ 搵咗好多, 最後發現原來好近阪急三宮站, >v< 行咗好多冤枉路添~~

神戶牛比普通牛肉軟d, 好有鵝肝的感覺, 但又好有牛肉味wor~ 正!

食飽飽後, 當然要去消化吓, 就去行北野異人館~

開頭我仲以為異人館係咪放奇怪嘢的museum~ 哦~ 原來異人館即係異地人館, 咪即係外國人d屋lor~

不過都幾得意, 但有幾間要行隻勁斜都路上去, 真係好鬼辛苦~

但可惜係行行吓落雨, 搞到搭纜車上車時勁多fog, 咪都睇唔到~ 但最後好搞笑咁間herb park 明明話close 咗, 但我哋又可以鼠到入去wor~~~ >v< 不過都係好多fog, 唔係太見到嘢~

夜晚去神戶港睇夜景, 我哋好無聊咁下面等天黑~

不過天黑的夜景又真係靚好多好多, 等吓都抵~

dinner又返去上年去過的難波一帶~ 哈! 諗唔到我仲記得路wor~ 一年前d路都記得, 以我黎講真係幾勁ga la~

哈哈~~~聽日~ unverisal studio~ yeah!