Wanganui à Paraparaumu à Porirua à Wellington à Porirua à Wellington
住宿 : Halswell Lodge
今日比前兩日早咗一個鐘起身出發,因為要 驅車前往Wellington,但係尋晚好似打風咁,非常之噪 ! 我哋大約8點鐘到攪掂晒所有行裝就去食間 Motel 準備嘅早餐,呢個早餐係紐西蘭傳統嘅早餐,即係麥皮加奶囉 !
Motel 嘅傳統早餐
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208054743724.jpg.jpg?ib_____DbaidE4Nc)
食嘢期間見到一團人係到食嘢,不過係外國旅行團。食完早餐大約9點鐘到就出發去 Wellington,車程就係大約2小時45分到 ! 係途中入過下油咁,今日天氣非常之睛朗,所以曬到雙手到幾熱下,行行下有個 Shopping Mall,於是就停車入去睇下
呢個Shopping Mall 都叫做幾大下
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081211051111257.jpg.jpg?ib_____D.JyTsk4c)
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081211051133238.jpg.jpg?ib_____DidoalEbe)
食咗幾件壽司
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208054822935.jpg.jpg?ib_____DIse.Rx.Q)
呢個地區係叫 Paraparaumu ,呢個Shopping Mall 其實都幾大下,又行下D Supermarket ,我哋重係入面食咗幾件壽司,味道都係咁上下….都係香港D好味D ! 之後重係入面買咗條牛仔褲添呀~~~睇完呢個 Shopping Mall 就繼續向 Wellington 出發,途經一個城市叫 Porirua ,入面又有一個Shopping Mall (咩咁多 Shopping Mall架 ?!) 其實時間都唔早,所以順便係入面搵個地方食個 Lunch ,呢個 Shopping Mall 其實都無咩嘢睇,因為係紐西蘭好多嘢都係差不多一樣,唔會 話有D咩地方有嘅嘢其他地方係無嘅 ! 雖然係咁,但係我哋重係入面買咗D嘢添呀 ! 而個Lunch 我哋就係入面個 Food Court 到攪掂,係紐西蘭嘅 Shopping Mall 入面嘅 Food Court 又係一模一樣,又係有D中國式食品(佢哋叫 Hong Kong Fastfood)、印度嘢、日本同埋一、兩間買包嘅…
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208054832362.jpg.jpg?ib_____DMHoDS.iv)
豐富嘅午餐
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208054844241.jpg.jpg?ib_____D0Vr04zPP)
食完個Lunch就繼續去 Wellington ,我哋大約2點幾到達Wellington,就去搵下今晚住宿嘅地方喇 ! 好在都幾容易搵到,但係都要兜一陣先搵到…之後就順便 Check in 埋喇 ! 呢間 Lodge 嘅房比較舊同埋係細間D,設備比起早兩嘅住宿無咁正,可能Wellington係叫做城市呱 !
Lodge
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208054855869.jpg.jpg?ib_____DmJjN33VP)
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208054904794.jpg.jpg?ib_____DFLFTkTgR)
放好晒所有嘢之後就去兜下呢個 Wellington 嘅市中心,唔見有咩大名牌同埋大型商場。然後我哋就去咗 TePapa Museum 到參觀
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208054929548.jpg.jpg?ib_____DX.1xElWo)
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208055001801.jpg.jpg?ib_____Dw8AO2S2t)
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208055026820.jpg.jpg?ib_____D4M5ORizp)
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208055035346.jpg.jpg?ib_____D_4iinjEQ)
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208055057919.jpg.jpg?ib_____Di5WYSUOD)
TePapa Museum外觀
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208055243344.jpg.jpg?ib_____DS446q6cF)
如果要泊係入面個停車場就俾錢,所以我哋 將架車泊咗係附近一個New World超市嘅停車場,但係其實個車場有晒D警告,除咗係幫襯佢哋嘅顧客,其他一律不准停車係到,唔係就會拖你架車…不過我哋就唔理咁多啦 ! 然後就行去睇呢個 Museum 喇,呢個 Museum 係唔洗俾入場費架啱晒我哋喇 ! 入面主要都係介紹下紐西蘭嘅歷史同埋一D關於毛利族人嘅資料,又講下D海洋動物嘅嘢…之後我哋就兜咗去一個叫 Town Belt 嘅地方,呢個位置可以睇到成個 Wellington 市,但係上去嘅路就真係非常之斜囉。
係 TownBelt望落去嘅 Wellington市
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208055306468.jpg.jpg?ib_____DsEQ_lPoT)
跟住就係要搵下今晚要食嘅嘢喇…睇來係 Wellington 市中心都係無咩好食,於是又係要自己整嘢食啦~~~因為係 Wellington 淨係見到得一間超市,所以就決定驅車去先前去過 Porirua 個三間超市到買嘢,覺得會多D嘢買,點知原來係無咩嘢買 嘅,等我哋重專登揸車去買嘢添 ! 最後我哋到係去返 Wellington 個間New World 超市到買嘢,今晚嘅晚餐係西冷扒加帶子同埋雞串蝦串黃蕉, 但係唔知係唔係間 Lodge 個廚房嘅抽氣唔得, 攪到成身都係油煙味~~~要洗衫呢 !
是日晚餐
![](http://f20.yahoofs.com/hkblog/WB7MP7CBHRYd99k9mjL8pJEwYg--_6/blog/ap_20081208055317356.jpg.jpg?ib_____DcaynhEvU)