Day 3 行程 - 酒店 > 嵐山 > 清水寺 > 河原町 > 衹園 > 酒店 早餐 - 酒店附近 (吉野家牛肉飯) 午餐 - 京都拉麵小路 (拉麵) 晚餐 - 衹園 (蟹遊亭 - 蟹宴)
飽暖之後,又再繼續我地豐富o既節目o勒 走出 『伊勢丹』,行到去京都站出面o既巴士總站 首先要搵左售買"市巴士一日乘車券"o既客戶服務站先 每人一張,盛為2000yen (500yen一張) 呢張乘車券基本上已經包括大部份巴士路程架o勒 (除左去遠少少o既地方,例如嵐山等.....) 隨車票更加附送一張京都市內地圖添 (雖然我都早有預備左,但當然用左佢地果張先啦,自己果張就收埋先) 好......搵到正確o既巴士o勒...上車 佢地每架巴士上都有報站器架 咁大家都唔怕唔認得路會落錯車啦!!!!
行去清水寺途中......
一路行上去,兩旁有好多賣手信同埋賣野食o既店舖 當中,差唔多每間手信舖都好似必定會有hello kitty o既野添 簡直岩晒我呢個kitty迷呀
行行下,發現好多著住和服o既日本女仔都向清水寺方向進發 係喎,呢日係日本每年一度o既成人禮日 而且係假期,唔怪得咁多日本人去參拜啦 見到幾個著和服o既日本女仔都幾靚架,好可惜 我 影唔到佢地相啦
跟住我地每人比左100yen入左一個殿o既地下室 寺裡面o既人話內面有個發火o既石頭 見到摸下佢許願會好靈驗的 我地就即管入下去啦....嘩.....裡面黑到...乜都睇唔到 我 地拉住條繩都唔敢行得咁快呀,一步一步咁行 終於見到舊石,但......唔係舊石發火囉 明明係佢地打燈o既 算啦,都係100yen o者
好....比錢 (300yen一位)進入清水寺內庭 好多人喎,嘻...應承左朋友要幫佢求個"姻緣符" 一入到去就立即買啦 ^^v 內庭裡面都好大架,仲會行到去地主神社添 影下相,食下零食 咁樣又消磨左兩個鐘啦 接住就搭巴士返返去京都站 o既『伊勢丹』shopping yo~~~朋友終於有斬穫啦
接住又搭巴士去河原町行下街 並期待緊今晚o既晚餐呀 登燈登凳......................終於到今晚o既重頭戲o勒 期待已久o既蟹宴終於登場o勒 掌聲鼓勵.......^^/
之前做過晒資料搜集,最後我地揀左位於京都衹園o既『蟹遊亭』 呢間其實係屬於『札幌蟹將軍』集團架 ^^v 我地揀左坐榻榻米 當晚除左我地之外,仲有兩枱日本客坐係附近 我地最後決定每人叫一個餐,之後再share黎食 嘿嘿~~因為之前做好晒功課,一早print定左d coupon黎用 所以其中兩個餐叫左佢地季節限定o既《風蓮》同埋《十勝》 本來其中一個餐我地想叫燒烤蟹腳餐架 但呢個餐最少要order兩個以上先可以點,所以最後我地放棄左 :( 可以講一句,呢餐絕對係 我地係阪京最好味o既一餐 真係無得彈呀,每道蟹都好鮮甜 仲有最後用蟹鍋煮果個粥我都冇影到添,又係一流的 ^^b 呢餐總共食左我地35,000yen 仲都係我地係京阪最豪的一餐 最後,我地就搭返巴士去河原町o既阪急電鐵站 搭電鐵返酒 店o既 途經八阪神社,影返張相先 後話......呢日我地總共搭左4程巴士 每程巴士要220yen一位, 即係我地又用盡左我地張一日乘車券啦 各位將會去京都o既朋友,只要搭到3程巴士或以上就記得買呢張券o勒