其實每次去日本自遊行，我們都會在樂天http://www.mytrip.net/網上預訂酒店！

起初我們不是book這間輕井澤太子酒店（雖然這間酒店在火車站旁、相連著間自已大型Outlet Mall，超方便，但相對超貴），book了另一間CheapCheapHotel！

不知道是否“樂天”知道我們 book了這區酒店，突然email o左一些輕井澤酒店特價package給SoMa，Prince Hotel由原本二萬多円減到一萬円兩個人一晚（估不到這是全旅程最平的住宿）！

SoMa見到立即雙眼發光，取消之前book果間酒店，改住Prince Hotel，仲係輕井澤住多一晚（SoMa可能為了可以著住拖鞋，無時無刻由房行幾分鐘到outlet shopping果種感覺）！

其實我們當晚去到才知我們房間的樣子！正式來講不是一間房，係一間house，係整間用木做的Cottage！有廳、 兩間房、四張床、有小型廚房同廁所！好鬼大間，Sophia最開心，不停在房間走來走去！

一早起身，拉開窗簾，先發現我們住在這森林內的小屋！


大家從之前短片看到SoMa煮給Sophia的正餐，材料係之前Apita supermarket買返來的蕃茄、南瓜、紫心蕃薯，用自已帶的電爐cookset，每日新鮮煮給Sophia食！



出發，超好的天氣！


要去到今次旅程的重點—雲場池！

嘩嘩嘩！三個字『靚到絕』！


Sophia 都好鬼High！

突然間聽到有幾個香港人講廣東話，都係今次旅程第一次聲到，開頭還以為係旅行團，後來看見打在個突，比你估一百次你都估唔到！

係一對穿…上…婚…紗…的…香…港…人，他們身旁還有個攝影師！估不到他們山長水遠，不惜工本，買機票飛到輕井澤影結婚相（但後來回想起，我當年$888婚紗攝影套餐，最後又係萬幾銀先落到樓！所以其實他們三個人機票加食宿都可能萬幾銀，萬一最後結唔成婚 （touch wood！）當提早蜜月旅行都有so！）

行多兩步又看到另一對新人，今次除了攝影師外，還有對新人的一班frined在場，當一對新人應攝影師要求，擺出好似好幸福的pose時（對其他路人可能係好嘔心），他們的friend便兒哇鬼叫（其實香港人在外地有時都幾吵耳）！

算我有點out，原來家o下都好興到輕井澤影結婚相，最後我一共見有四五對香港人在這裡影相（他們的共同特點係：上身穿婚紗禮服，下身一定係穿波鞋！）

我們跟著雲場池行了一個圈！

雲場池有天鵝湖之稱，天鵝唔多見，水鴨大把。


到處都看到紅葉，都幾寫意！


之後再去下一個睇秋葉的影點南輕井澤—鹽澤湖！


今次真係看到天鵝！


之後為了Sophia可以近距離追蹤天鵝，我地租了隻艇仔！（我倆拍拖到結婚超過十年，都未試過踏艇仔）將我們的第一次奉獻給Sophia！





SoMa 同SoBa不停地踏，而Sophia控制呔盤（差的撞向湖邊！），Sophia追住o的鴨時，不停大叫“Duck得”“Duck得”！


太好的天氣，點影都靚！


太多紅葉！

只好不停的影！

跟著向北輕井澤出發！

(30.10.2008)