其實每次去日本自遊行,我們都會在樂天http://www.mytrip.net/網上預訂酒店!
起初我們不是book這間輕井澤太子酒店(雖然這間酒店在火車站旁、相連著間自已大型Outlet Mall,超方便,但相對超貴),book了另一間CheapCheapHotel!
不知道是否“樂天”知道我們 book了這區酒店,突然email o左一些輕井澤酒店特價package給SoMa,Prince Hotel由原本二萬多円減到一萬円兩個人一晚(估不到這是全旅程最平的住宿)!
SoMa見到立即雙眼發光,取消之前book果間酒店,改住Prince Hotel,仲係輕井澤住多一晚(SoMa可能為了可以著住拖鞋,無時無刻由房行幾分鐘到outlet shopping果種感覺)!
其實我們當晚去到才知我們房間的樣子!正式來講不是一間房,係一間house,係整間用木做的Cottage!有廳、 兩間房、四張床、有小型廚房同廁所!好鬼大間,Sophia最開心,不停在房間走來走去!
一早起身,拉開窗簾,先發現我們住在這森林內的小屋!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081206102722154.jpg.jpg?ib_____DcML3oH9A)
大家從之前短片看到SoMa煮給Sophia的正餐,材料係之前Apita supermarket買返來的蕃茄、南瓜、紫心蕃薯,用自已帶的電爐cookset,每日新鮮煮給Sophia食!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081209050420446.jpg.jpg?ib_____DuF7Rnpe4)
出發,超好的天氣!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081209052714931.jpg.jpg?ib_____DnISSobYG)
要去到今次旅程的重點—雲場池!
嘩嘩嘩!三個字『靚到絕』!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081210041201368.jpg.jpg?ib_____D0zf87jj3)
Sophia 都好鬼High!
突然間聽到有幾個香港人講廣東話,都係今次旅程第一次聲到,開頭還以為係旅行團,後來看見打在個突,比你估一百次你都估唔到!
係一對穿…上…婚…紗…的…香…港…人,他們身旁還有個攝影師!估不到他們山長水遠,不惜工本,買機票飛到輕井澤影結婚相(但後來回想起,我當年$888婚紗攝影套餐,最後又係萬幾銀先落到樓!所以其實他們三個人機票加食宿都可能萬幾銀,萬一最後結唔成婚 (touch wood!)當提早蜜月旅行都有so!)
行多兩步又看到另一對新人,今次除了攝影師外,還有對新人的一班frined在場,當一對新人應攝影師要求,擺出好似好幸福的pose時(對其他路人可能係好嘔心),他們的friend便兒哇鬼叫(其實香港人在外地有時都幾吵耳)!
算我有點out,原來家o下都好興到輕井澤影結婚相,最後我一共見有四五對香港人在這裡影相(他們的共同特點係:上身穿婚紗禮服,下身一定係穿波鞋!)
我們跟著雲場池行了一個圈!
雲場池有天鵝湖之稱,天鵝唔多見,水鴨大把。
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081216014613709.jpg.jpg?ib_____DymJ5omSM)
到處都看到紅葉,都幾寫意!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081210051534333.jpg.jpg?ib_____Dfw91E.uC)
之後再去下一個睇秋葉的影點南輕井澤—鹽澤湖!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081210051606698.jpg.jpg?ib_____DSfAaNDW2)
今次真係看到天鵝!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081210051518928.jpg.jpg?ib_____DQjZ.cCxK)
之後為了Sophia可以近距離追蹤天鵝,我地租了隻艇仔!(我倆拍拖到結婚超過十年,都未試過踏艇仔)將我們的第一次奉獻給Sophia!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081210055747216.jpg.jpg?ib_____DSu2w0QU9)
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081216081953655.jpg.jpg?ib_____D8Exo3asi)
SoMa 同SoBa不停地踏,而Sophia控制呔盤(差的撞向湖邊!),Sophia追住o的鴨時,不停大叫“Duck得”“Duck得”!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081210055712194.jpg.jpg?ib_____DOuk4SJ07)
太好的天氣,點影都靚!
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081216033319683.jpg.jpg?ib_____DF1gea1TQ)
![](http://f20.yahoofs.com/hkblog/iJ5NLfKFFhsILu3WUw--_9/blog/ap_20081216033302415.jpg.jpg?ib_____Dukv9FgIS)
太多紅葉!
只好不停的影!
跟著向北輕井澤出發!
(30.10.2008)