4月3日(六)
9點幾去食個早餐,好豐富,食到好飽。
食野的地方門口有長頸鹿標本,必定要同佢影番張合照啦!!
食完返酒店,係酒店門口影下相先。
影完上房執野CHECK OUT了。好耐冇玩機動遊戲了,衝呀,去歡樂世界玩。
好刺激,但又好"淆底",即係又要驚又要玩,哈哈!
先黎玩左個"U型滑板"~離心力好勁,係上面真係驚到嗌唔出!!
之後再黎"垂直過山車"~呢個係去樂園必玩的。但係只係望一望,都已經好驚~
未WARM UP個人~就玩呢個~真係腳都震呀!不過...玩完又覺得都唔算好驚~
跟住玩十環過山車~好玩呀!!勁多360度轉圈,速度又快。
玩呢個一d都唔驚,勁爽呀!有時間想玩多次呀!
玩完驚險刺激的,就去睇個適合一家大細的四維影院,都不錯。
仲睇左一場特技SHOW~不過睇完我地4個都覺得好悶。
跟住見到浪漫佈置,我同BABY點都要去影下啦。
(不過紅色心心上有中文字,大煞風景!!哈哈~)
玩到咁上下,下雨,好在我地一早買左雨衣。
既然落雨就要玩下D濕身的GAME~正呀!!濕哂~哈哈!
最後4點半走了~在酒店坐車去碼頭。
今次行程一個人大約用了$1700,平、靚、正啦!!
(包住長隆酒店一晚+來回船票+3張門票+其他雜費)
不過都算幾趕,動物園 & 歡樂世界都唔夠時間玩。
但唔緊要,玩唔夠,可以下次再來,
而的的確確我地四個人都盡情地玩足兩日一夜,
這樣不就已足夠了嗎?
每次去完旅行,都會諗 : 如果我有大把錢,就可以想去邊就即刻起行,幾好。
不過諗深一層,到時的我,又會唔會好似而家咁,咁珍惜每一趟旅程呢?
而正因為有辛苦的經營,所以旅行才變得是一種極大的享受!
所以,我仍期待....
下一站‧... <--未諗到,只係知道,玩完又要收拾心情了。