3月14號早上11點喺尖沙咀集合之後就搭船過大海 去玩

去到MGM之後未夠鐘check-in就出去行吓 註:MGM嘅客房按金係2000大洋!!!!!

由於懶得行出去搭巴士 搭的士又覺得貴 哈哈 所以走咗去搭suttle bus

而家澳門d酒店suttle bus真係多 間間賭場酒店都會有 班次都幾密

通常都會去碼頭, 關閘同氹仔 有d賭場就會開聯線互通

當然不能夠suttle bus走天堐啦 起碼做吓駁腳都慳到d腳骨力同的士錢 呵呵呵呵

搭咗去新濠天地行個圈 順便過埋去威尼斯人又係行個圈

入到去賭場酒店當然好多嘢行 閒閒地都整個花園 好似MGM咁

新濠天地就有個高級商場 威尼斯人直頭係大型商場(讚!!唔係齋賣名牌)

當然一入場都要經過個賭場先入到商場或者返到房(MGM係分開的 讚!!) 都幾無奈架

4點返到MGM check-in同埋搞吓間房d嘢 哈哈 (參看

MGM房間篇 )

4點9準時到MGM金殿堂中菜廳集合 進行今次重要任務!!!

新假期「獨家玩兵團」MGM之旅 (參看周中飯局篇)

食到半路有消息傳出話因為大霧無船!!! 雖然我地仲有一晚酒店 不過新假期嘅staff要返去bo

呢餐食足2個鐘 勁!!! 咁大個女第一次食到咁豪 (參看周中飯局之九大簋)

睇嚟真係要努力進修工作先再有機會成日嚟 呵呵

講返嗰晚 本身約咗好朋友許氏一家出去食宵夜 因為大霧關係取消咗外出

交由許氏kelvin爸爸安全駕駛嚟到酒店 (參看澳門之旅 晴晴篇)

呢度唔係塊鏡 而係窗!!!!! d霧包住咗酒店呀~ 驚

送咗許氏一家走之後出門口行吓

大霧情況係咁..................................................

之前咪話 MGM裏面有個花園嘅 不過比想像中細...好多

MGM lobby嘅達利的舞者 MUST影

 學又學得唔似 仲露底...衫

MGM lobby MUST影2

返上房又玩塊鏡 其實都幾跪異 成個澳門俾霧包圍住晒啦~~~~~

原來MGM d房咁樣睇係一個笑面 fungshui~

第2朝退房之後又行吓個花園 經過賭場先去到suttle bus站

MGM比較人道 哈哈哈哈哈 唔一定要入賭場 可以兜商場 總之都要穿過酒店先到

賭場出口有個"金"熊貓 GOOD GOOD常在 yeah yeah~

MGM新濠天地聯線suttle bus 去氹仔 ready go~

不過係要去到新濠天地再轉佢地另一架suttle bus去氹仔市區架 哈哈