接近旅程尾聲,大姐一邊駕車一邊跟我們解說接下來的"景點",我坐後座聽不清楚,大槪是甚麼參觀費、我在山下等你們、拍拍照就快回來、隨便給錢打發之類, 我看坐前座身兼翻譯員的團友A,好像沒甚麼問題,我也懶得發問,繼續看風景。之後來到一座山下,大姐著我們下車,沿着石梯上山,我一點都不情願,無端端行咩山?需要體力勞動的活動絕對唔係我杯茶。

一邊走一邊問團友A,上山做乜?
團友A:「唔知呀!」
Me:「行幾耐?」
團友A:「唔知呀!」
Me:「大姐頭先講乜?」
團友A: 「唔知呀!」
Me:「吓?!你冇聽架咩?」
團友A:「冇呀!」
Me:「咁你又應佢?」
團友A:「我好攰,發緊夢,是但應咋。」
Well~~~原來我地車上四條友都一樣.......根本冇留心聽大姐講解,就咁唔知頭唔知路上左山,至此我要收返前文中所說:「好感謝有心思細密的好團友」,我地根本就係四個完全冇安全意識的「謀丙」。

一路往上我一路暗罵,如果上到去乜都冇,落到山我一定唔放過那臭小子!
結果.........
這就是我們在山上涼亭所看到的風光~河坑土樓群



團友h拍的比較漂亮

用長鏡頭還可一窺土樓內的另一種風光,原來中間開窿的土樓,都幾冇安全感。


因為涼亭上有點微風,加上風景確實不錯,所以我們不停地拍照,直到聽到大姐"響咹"才下山。看下山時懂得笑,都算不枉爬了數百級石梯。


不過麻煩隨即而來,就是先前大家都沒有聽清楚大姐所講的說話,原來那個建於山上的涼亭,不是免費的,是一個"設計"!它安裝了一個閉路電視,當有人踏足之時,村內的監察員便會趕到山下守候,向你索取"登亭費"!
首先,個亭係冇任何指示需要收費
第二,佢獅子開大口,每人收五十人仔門票!
咪玩la!昂平360單程都係$74,依度要我自己行到死,上去踩踩你個死人亭,收我咁貴!真係好過去搶囉!
第三,你唔喺亭前收,係等人地唔知頭唔知路去完先喺山腳話收錢,你寫明收,我都可以選擇去唔去呀!

然後周旋了好一陣子,大姐嘗試跟那位阿伯搭膊頭失敗,我地囑他開車走,阿伯拉著車門不放我們,講價話至少買兩張,原來阿伯是中間人,工作就是每天看着閉路電視,一見有人登亭就從村裡跑到山下守候,收到門票錢,再從中抽佣,最後我地付了五十人仔買了一張。
這是整個行程中最不愉快的經歷。
其實我想起來,在網上就曾看過有人寫過有這樣一個"設計",只是當時太累了,沒有聽清楚大姐說的,否則,可能不去了,或者走快一點,快過個阿伯!

原來大姐響按時阿伯仲未到,我地慢左一步,回到山腳,佢剛剛到,不過,見佢山長水遠跑來,付少少錢給他也算了,始終是他的生計。
建議大家想清楚或問清楚自己的司機大佬,有冇這個"景點",或詳情如何,就算上都先有心理準備,免得心裡不快。