去到濟州第一件事就係去攞車喇...先前已經係Kumhorent網上面Book咗架車，因為今次一行總共有四人，所以Book咗架Daewoo嘅 SUV，等大家座得舒服Ｄ呀嗎..架車其實都幾豪華，係機場租車公司到攞車其間溝通其實都有Ｄ問題，好在有個排係我後面嘅韓國人識得英文先攪掂咋 ! 之後就會去停車場到攞車，去攞車時個職員會大家一齊Check下架車有無花痕同埋叫我還車要入滿油(呢Ｄ嘢係其他國家租車都係一樣嘅)，但係就無教我點用個GPS喎(佢哋唔係叫GPS，係叫Navigation)。唯有自己摸下點用啦，個GPS細細個但係就幾好用，我諗應該會似係日本用嘅GPS，有入電話去搵目的地呢一個function，不過要搵一段時間先搵到呢一部GPS嘅function點用~~~一開始因為揸慣右軚嘅關係(唔好意思，各位韓國係揸左軚)，所以成日行錯線，重有就係架車個Size 比平時揸開嘅有好大分別，預位方面要重新適應過，重有個GPS反應都幾遲鈍下...幾樣嘢加埋都幾苦惱....開頭重差Ｄ撞到架車添呀，架車就係韓國女人揸，但係佢同車有韓國男人凶神惡剎咁行埋來，我哋就係咁講廣東話，哦~~~個男人即刻唔同態度，呢一招係其他國家都得架....之後就要唯有慢慢揸，習慣下，但係都要第二日先叫好Ｄ，可能因為我係香港日日都有揸車嘅關係，所以要慣都要一段時間嘅呢 !

去到濟州一行出去係機場嘅右手面就會有幾間租車公司嘅 Counter 係到

呢架就係我哋租架車喇....都幾靚仔架 !!

濟州機場出面

濟州綜合競技場

我哋第一個景點就係去睇櫻花喇....去咗濟州綜合競技場。嘩~~~Ｄ櫻花真係好靚啊，係附近重有Ｄ油菜花田睇添啊 !