行程 : 築地 --> 淺草 --> 銀座 --> 池袋 

在酒店吃完少少的早餐頂住肚, 就坐JR出發去築地啦!
我們一諗起那些海鮮+壽司, 個嘴不其然彎起來!

可能是星期六的關係, 那裡的遊人都不少, 我們很忍口地行了一個圈才決定吃什麼,
首先就係食左這隻超大帶子先, 看著它燒好, 熱辣辣吃, 食落幾有口感及鮮甜.

推介指數 :

跟住就去吃壽司, 其實都有好多間唔駛排隊, 不過心裡總是覺得信唔過,
還是要搵間要排隊的穩陣, 唔知這是否香港人的心態呢?

壽司真係好似傳聞中咁正, 款款都好新鮮, 尤其最愛吃那蜂蝦壽司, 回味無窮~
但為了留肚吃其他美食, 我地只係每人點了四/五款來試!

推介指數 :

本來想吃很出名的井上拉麵, 可是見到那條恐怖的人龍蛇餅後都係放棄,
選了另一間天婦羅喬麥麵, 那店主實在太串爆, 根本不太想招呼我們, 但我們也不理她,
開心地拍照及享用熱辣辣的拉麵!

推介指數 :

食完這幾餐都只係13:00左右, 真係食不停口,

你估我地今天係咁就飽呢??? 哈哈哈, 當然唔係咁少兒科啦~