梅田 --> 環球影城 --> 梅田 

 
這天是正式開始我們的旅程, 是星期五, 所以Plan左去環球影城! 

 一早起來天陰陰,

先去酒店附近的First Kitchen食個快早餐,

我地叫左熱狗, 普通啦, 對快餐都不要太大期望了.

跟住立即去JR大板駅月台同朱姐地會合,

然後坐大板環狀線去西九條, 再轉櫻x線去Univeral City駅.

竟然20分鐘唔駛就到, 咁近!

一出就係環球影城!

由JR行去到環球影城正門途中, 都開左好多食肆.

 排隊買了飛, 要¥5800, 好貴呀, 唉...其實匯率咁高, 真係乜都貴!

 天還是一大舊一舊雲, 唔緊要, 最重要我地心情興奮,

雖然望落好似無乜人, 其實係全部係晒D裡面排隊,  差D被佢騙到

其實受歡迎的玩意都要排成粒鐘!

 

 

首先玩了ET, 勁悶, 只係不停睇片睇介紹, 仲要係講日文,

睇完幾段片, 然後係D公仔前面影下相, 咁就玩完,

唔怪得無人排隊!

好玩推介 : 

 

 出黎, 遇到架芝麻街巴士, 即刻追住佢黎影相!

 行左幾間, 度度都咁多人排隊, 唯有照排啦, 玩左受歡迎的蜘蛛俠先,

足足排左成粒鐘, 其實是坐住架會上下左右郁的車看3D,

故事係我地被壞人捉, 蜘蛛俠救我地, 其實唔算好驚,

但因好真實, 真係幾刺激好玩, 我地嗌度鬼殺咁嘈, 咁先投入丫嘛!

好玩推介 :     

好可愛的小朋友, 著住迪士尼的史迪仔黎環球片場, 哈哈 !!!

日本連d 路邊小花都靚過人!!

又去玩左大白鯊, 都排左45分鐘, 但傾下講下影下好快過,

坐船睇大白鯊, 由於個船長姐姐非常好戲, 同埋大白鯊神出鬼末,

同行一個小朋友比大白鯊嚇得大喊, 我覺得比disney睇恐龍更好玩,

可惜中途不能影相!

好玩推介 :    半

朱姐入去前係便利店買左窩夫食, 都幾好味, 排隊排到悶拿出黎食下都很不錯!

又遇到另一個可愛的小朋友, 真的kawaii!!!

 跟住去搵 snoppy, 不過館場裡面好黑, 而我部s90又無電, 只有部份影到!

我被騙朱姐地騙去玩坐橡皮艇穿過水管由高處滑下, 又話唔刺激又話唔會濕,

結果咪一樣嚇史我, patpat及褲都濕左啦, 好在有架暖風機係度比人用黎吹乾個身,

日本人真体貼!

好玩推介 :    

 

經過史路比餐廳, 不過只係入內拍照.

因為我們之前曾經係另一個地方聞到咖喱香味, 所以好想吃咖喱,

終於比我地搵到, 原來就係影城巨星餐廳!

差不多成3 點, 又累又餓,

所以覺得咖喱飯特別好味, 粟米湯有點像日式罐頭湯, 太甜了.

累到連相機s都要抖下氣, 才能繼續行程!

USJ website : http://www.usj.hk/index.html