今次呢個東京飲飲食食甜蜜之旅, 我哋一共用了 168,386 yen, 除咗平日使費, 飲飲食食之外, 當然買咗唔少自己喜愛嘅物品啦 ~~~ 係咪好想知我哋買咗 d 咩呢........hehehe, 即刻去片 !!! 
d 嘢擺到成張床都係, 究竟係張床細吖, 定係我哋買得多嘢呢 ??
大家睇下床嘅左手邊.........連個枕頭都掉咗落地下.........hehehehehe 
呢個 trip 二等兵嘅 target 係買袋同買零食, hehehe, 開頭見 d yen 咁高, 本來諗住買一至兩個袋就算啦, 但最後竟然買咗 4 個咁多 !!! 傻咗 ........
點解淨係睇到 3 個 ??? 因為第 4 個袋係最後果日先買 ~
Agnes b 呢個係限量版, 9,975 yen, sales 姐姐強調東京只係得 3 間 shop 先有得賣0架咋 !!!
右手邊呢個係 mimo, 本來舖裡面有一個櫃啲袋係有 7 折嘅, 但係 d 款睇唔中, 於是就買咗呢個正價品, 盛惠 13,340 yen。
前面嗰個就最抵, 响八重州地下街行行吓, 突然見到有個袋幾靚就走入去睇吓啦, 標價 1050 yen 已經好開心 !!! 埋單原來有 3 折 (1月份大減價), 係 3 折 ... 唔係 7 折呀 !!! 埋單 315 yen 咋 !!!
限量版嘅分別就係內層 d 星星圖案喇 ~~~
我哋呢 d 係 K 隆星人嚟0架嘛 ~~ 梗係要買返個 K 隆星限量版嘅 Agnes b 啦 !!!
仲有呢條掛在限量版手袋的星星圖案掛飾呀 !!! 好靚嘅星星圖案 ~ 3800 yen, 加埋呢條鏈先夠退稅 !!! (10000 yen 先可以退稅)
二等兵又响度發夢 : 唔知係咪因為 Agnes b 知道 K 隆星侵略小隊嘅隊長將會嚟侵略呢 ?? 所以特登預備呢個 K 隆星限量版嘅星星圖案呢 ???
俾個近鏡大家睇下先 ~~
粉紅色呢個袋就係最後嗰日响吉祥寺買嘅, 1050 yen, 斯斯文文返工都幾好吖 !!!
响淺草寺, 竹下通 (Paris Kids) 買嘅電話繩 & 飾物, 仲有响迪士尼買嘅介指 !!!
呢條 "侵略東京" 電話繩係東京限量版 (响東京站一番街買嘅) ....但係隊長掛咗呢條電話繩之後, 個電話亦都俾佢 "侵略" 埋 (壞咗) .........今次真係唔方唔侵略喇 ...........
謢膚品篇
以前去日本必定會買 Sofina 嘅 very very 防晒, 但係而家 d yen 咁鬼高, 以前 7 折, 而家變咗 9 折, 平得咁少唔化算, 於是今次搵 d 新嘢試吓先 ~~
咁啱呢間藥房每逢 3 號 & 20號大減價, 仲照價 95 折 tim, 梗係即刻入貨啦 !!! (隊長都阻止唔嚟 hehe ~ )
估唔到呢支豆乳美容液又幾好用喎, 二等兵响第二日買咗一支試過, 即刻要買多兩支返 HK ~~~
左面第一支係防晒, 1280 yen ~~~ 之後係 Kose 落妝油, 398 yen ~~~ then 豆乳保濕美容液 980 yen (有兩支係第二日買, 大減價 798yen 一支咋), 最尾果支係洗面液, 735 yen ~
第一晚在便利店買咗一包 189 yen 嘅保濕浴鹽浸過後, 好好玩, 後來心思思又想浸多次, 在無印見到呢兩隻味好香, 仲要 55 yen 一包咁平, 於是就買來試吓, 點知放入浴缸後一 d 味都冇.........都係第一次在便利店買嗰 d 好 d, 又一次證實平嘢冇好嘅道理 ....
食物篇
响二木の菓子買嘅零食 !!!
呢款磯燒元貝幾得, 大大粒 ~ 1880 yen 一包 (每包 500 g) ~~~
唉......下面呢 d 小食好好味, 130 yen 一包, 後悔買得咁少.........
wasabi 豆就一般, 267 yen一包 ~~~
d 糖係第一日在竹下通 -- "藥" (黄色 logo 嗰間) 藥房買的, 特價 89 yen 一包, (抵過在 HK 買, 早兩日見到 OK 便利店 賣 HK$8.9 一包), 有 3 隻味 : 黑加崙子, 桃味 & 青蘋果 !!
二等兵同隊長响日本行行吓街無聊又攞粒嚟食 ~~ hehehe ....
在上野買的煎茶 (433 yen) & 在築地買的玄米茶 (525 yen), 煎茶幾好味, 玄米茶就仲未試 ~
小熊維尼呢盒餅响 Disneyland 買俾 C 小姐嘅 ~~~ 480 yen
周打蜆湯 (180 yen) 就係 7-11 買, 諗住返酒店當宵夜食, 點知飽得滯食唔落, 最終帶了返 HK ~ 幾好味0架 !!
呢款蛋糕是在機場買的, 1000 yen 一盒, 每盒 8 件, 好好好好味 !!! 二等兵同隊長每人買咗兩盒, 但係家人話點解唔買多d ?? 
左邊係士多啤梨味, 右邊係香蕉味 !!!
d packing 真係好靚 !!!!!
CD 篇
隊長响秋葉原間 Book - Off 買嘅二手 CD, 有 Every Little Thing 嘅精選碟 (Vol 1 & 2),浜崎步嘅精選碟 (Complete Best 3 CDs) & SMAP 嘅 "世界に一つだけの花" !!! 頭 3 隻精選碟每隻 1000 yen, 而 SMAP 嗰隻係 ....... 105 yen ~~~~ 冇錯, 係 105 yen (HK$8.5), 隻碟仲要同全新冇乜分別 ...... 荀呀 ~~~~ hehehe .......
如果隊長唔係要趕返去無印良品接返二等兵, 隊長嘅戰利品又何止咁少呢 ............
而隻 "聖鬥士星矢 - The Hades Original Sound Track" 就响秋葉原間 Animate 買, 全新, 大約 3000 yen ~~~ (鬼叫 HK 賣咁貴咩 ~~~~)
動畫精品篇
各款墊板同埋膠 file ~~~ 每款大約 200 - 300 yen
哈哈 .... 隊長買返自己嘅產品 ........
Dragon Ball Z 系列 ~~~
中 間嗰 2 張係慶祝少年 JUMP 40 週年, DBZ 同 One Piece crossover 嘅產品 ~~~
(正面)
(背面)
小雙俠系列 ~~~
大家仲記 唔記得隻狗呢 ???
(正面)
(背面)
Keroro 軍曹, 柯南, 小丸子 & Gundam OO 系列 ~~~
(正面)
(背面)
書本篇
咪就係呢 d 書, 拎到隊長索晒氣 .........我哋幾袋幾袋咁拎返酒店 ..........hehe ~
Gundam Seed & Seed Density 系列 ~~~
下面嗰 2 本係絕版書, 訂都訂唔到 ~~~~ 但隊長响涉谷 Book - Off 揾到, 仲要係 105 yen 一本 ~~~~ hehehe .......
Gundam OO 系列 ~~~~
Macross & Gundam OO (2nd Season) 嘅期刊 !!!
其他特集 & game 攻略 ~~~~
以上書本有全新, 有二手 ~~~~ 主要响 Book - Off, Book 1st, K- Books 同埋 Animate 喥買 !!! 而二手書個價大約係原價嘅一半, 但新淨度 very good !!!