行程 : 池袋 --> 上野 --> 自由之丘 --> 池袋

愛(造)餅之人怎會少得自由之丘一站呢!
雖然山長水遠只係為左這一間Sweet Forest, 但就像朝聖般不能幸免.
仍然是雨紛紛, 但無損我們的意志力, 勢必搵到這個樹林呀! 不付所託,
我們沿著地圖真的找到了. 由於下雨關係, 所以沒有排長龍, 但入內人卻也不少. 

每年迷你蛋糕大約都要¥450-700, 我們都仍然飽飽, 所以初初只買了三件, 但試完後,
忍不住再買多件, 連這個不愛甜的我也吃得津津有味, 尤其那個古古力蛋糕,
吃完真的充滿幸福感~ 若不是酒店雪櫃無鬼用, 我們一定打包晚上吃呢!

途中經過這間Mont-Blanc, 蛋糕古古力也相當吸引, 但太飽, 唯有入內逛一圈就當吃左啦!

去完自由之丘, 本應已經頗累, 但肥妹又發揮佢驚人的shopping精力, mocha貼心幫我拿回今早的手信返酒店, 我就繼續係池袋行街, 買到百貨公司8時閉門才罷手, 然後回酒店跟稍作休息的mocha匯合, 去吃我們當晚的鍋物晚餐!

我們今天的目標主打係shabu-shabu, 可惜係池袋找了半個鐘仍找不到,
剛巧想放棄之際, 竟然有一間樓上餐館的餐牌有鍋物的相片, 我們便沒看清就上去啦!
誰知是一間典型的家庭鋪頭, 兩夫婦都不懂英文, 甚至shabu-shabu都唔識,
他們不理一直跟我們講日本, 我們唯有求其點一樣啦, 結果竟然係......

水魚鍋物呀....救命呀! 點算呀??? mocha發揮她勇於嘗試的精神, 負責吃掉那水魚,
而我也拿出我的勇氣試了一舊只看似瘦肉的水魚, 其實味道有點似雞肉,
但真的不夠膽再吃其他, 唯有負責食菜及飲湯啦! 但估不到那湯真的很甜很潤,
幾天纏擾我的喉嚨痛也即時得到舒緩, 都算係錯有錯著, 至於水魚很補呢!

就只有這個水魚鍋物, 當然不能飽肚啦, 但已不敢點其他食物啦!
這個餐其實都不便宜, 有點似兩條水魚吃水魚的感覺!

做完水魚後, 立即去找拉麵館餵飽自己, 選了在酒店附近要在自動售票處買飛的一間,
味道都ok, 不過我那碗所謂"人氣"拉麵卻不及mocha那碗好吃,
可能跟日本人的口味不一樣~

當然少不了每晚運動 - 夾公仔, 今日竟然搵到叮噹喎, 當然要夾比zero啦,
mocha又跟之前一樣, 入了¥500 便即中. 可惜諗住夾多一個, 但卻失敗了,
她立即停手再玩, 以免被掠水!