4月20日 (星期六)29°C 77
 

分分鐘都需要你 (Rap你阿爸version) / JNYBeatz feat. 尹光

派台日期: 2023-11-10  
唱片公司:Universal Music
作曲:JNYBeatz, Karris Sauch
填詞:JNYBeatz, Karris Sauch, Rap詞 : 梁建邦
編曲:JNYBeatz, Karris Sauch
監製:JNYBeatz

謝謝你的支持
簡介

JNYBeatz 聯乘尹光首度合作
《分分鐘都需要你》全新rap版
光B阿爸教仔少理失戀

向來能兼顧幕前幕後,包辦曲、詞、編、監、唱的JNYBeatz,才華深受認同,亦經常跟不同歌手跨界合作,繼方皓玟、林家謙、193郭嘉駿、Serrini等,近日JNYBeatz為6月時推出的單曲《分分鐘都需要你》推出全新版本,更誠邀因AI熱潮而人氣急升的「光B」尹光(Wan K.)親身獻Rap,成為《分分鐘都需要你》(Rap你阿爸version),帶來一次絕對令樂迷驚喜的Crossover聯乘合作。

談到今次兩代音樂人的交流,JNYBeatz指之前在父親節推出的《分分鐘都需要你》,雖然跟太太Karris Sauch一同填詞兼製作,但這首失戀歌曲並非他的親身感受,而是希望做一首讓大眾更有共鳴的情歌。
因歌曲頗為樂迷讚賞,JNYBeatz就想製作一個全新版本回饋大家,碰巧在一個宣傳活動遇上近來深受網民歡迎的尹光,因而萌生要跟這位音樂風格充滿地道,又很能代表普羅大眾的傳奇前輩一同合作。

阿爸教仔解心結
尹光唱過不少深入民心經典歌曲,其中《少理阿爸》就更受年青一輩歌迷推崇,JNYBeatz說:「我忽發奇想,如果在《分分鐘都需要你》加入父親角度,由阿爸向失戀的兒子作出安慰,相信幾有趣,所以就同光哥提出合作。」

當尹光知道要跟JNYBeatz合作,第一個反應自是叫好。「你搵我合作最啱,我唔會同你分手!今次隻歌好好聽,原來係佢同太太一齊寫,真係高手,所謂近青抗老,我都希望同多啲年青人合作。」

為了更原汁原味呈現神髓,《分分鐘都需要你》(Rap你阿爸version)的rap詞,更邀得《少理阿爸》填詞人梁建邦操刀寫rap ,歌詞傳神地寫出阿爸苦口婆心勸喻阿仔解開心結,莫要為一棵樹放棄一個森林,失戀只是人生小小經歷,所以要Let it Go,一個人一樣可以好爽。而rap詞更食正AI尹光熱,出現GPT字眼,十分入時。最後更以過來人角度講出感情真蹄,相當有人生智慧,令歌詞意境更加昇華。尹光今次擔起歌曲全部rap詞,節奏感掌握得宜,跟JNYBeatz真如父子對談,二人非常合拍,擦出不少火花。

尹光:年青人啲歌好難唱
JNYBeatz更指今次合作大開眼界。「我見到光哥用筆記下拍子的方法好特別,而出來效果和節奏亦十分好。」尹光就笑道:「你哋年青人啲歌好難唱,我要靠點拍子方法去記住,而佢都教咗我好多,有時要我改下feeling去唱,所以錄音幾好玩,要我唱 100次都得,出來好聽就得。」

JNYBeatz更大爆光哥會用粵曲腔來開聲,尹光就解釋:「唱歌要用丹田氣,否則好易聲沙,我年紀大,故錄音前要開開聲,令聲音唔會太沙。」兩人講到音樂,你一言我一語,真如父子交流,難怪今次合作充滿火花。

歌詞

分分鐘都需要你
然而 今天只得他與你
為何相愛過 而失去了知覺

尹 : 呀仔呀 一個人 靜落嚟 沉澱吓
唔好諗邊樣啱 邊樣錯 就會發覺
一個唔去珍惜付出咗咁多嘅人
先至係失去最多嗰個呀

你說我太平凡 我說你太麻煩
(尹 : 你老豆我咁潮 因為我一早開竅)
Baby, I miss you so
明明只想可得到你關心
(尹 : 唔平等 就唔好咁認真)

是我沒法一個面對你已更開心 (尹 : Let it go la)

忘記你以後 已習慣一個 (尹 : 洗乜驚 起碼隻猫陪你攤喺廳)

尹 :
學你老豆脫貧脫膠 都唔好脱節 呢個時候搵的可靠嘅人解開心結
你下巴有執鬚 應該都幾識撈
佢對你唔好
都唔洗旨意做我新抱

我唔係GPT 講D又唔講D
由細到大 堅係幫你開眼嘅導師
分分鐘撐起你 家用唔洗你俾
做你老豆
唔怕勞氣嘥氣加埋鑊氣

Don’t wanna let you go
How can I live without you
(尹 : 哪人大咗必定經歴多 睇你Get到 幾多)

只能 穿梭記憶中挽手
(尹 : 唔好回頭嘞)
是我沒法一個面對你已更開心 (尹:同自己講)
忘記你以後 已沒法戀愛
(尹 : 要愛就先愛自己)

分分鐘都需要你 (合唱)
然而今天只得他與你
為何相愛過而失去了知覺
Oh-whoa baby (尹 : 唔好咁多幻覺啦)

分分鐘都想見你 (合唱)
仍然手機相簿只有你 (尹 : 哈開竅嘞)
原來刪去你才知要珍惜你
(尹 : 其實佢都冇珍惜你)
明白不該再相襯

尹 :
呢個感情世界 就好似平行宇宙
裡面有好多個唔同嘅自己
係要先對自己好
先至有能力遇到更好
你要揀邊一個?