日期:
      下一篇 》

疫情影響現場睇樓 地產代理改用拍片及虛擬實境代替

1/10/2020 0:06
中原數據科技公司行政總裁彭詩建
        新冠肺炎疫情肆虐和限聚令, 地產代理約客睇現樓都變得困難.
        從事地產代理兩年多的Scott, 五月份時開始拍樓盤片, 而家已經大概已經拍攝十多條片段, 由拍片、主持、剪片都要一腳踼, 他指, 買樓始終是大投資, 客人都想實地睇現樓, 拍片對加快樓盤成交作用不大, 但可以協助年輕經紀增加曝光率, 仲可以拓展搵客途徑.
        地產代理公司中原在2017年起, 已經推出虛擬實境VR睇樓服務, 客人只要用流動應用程式, 就能夠看到單位立體模型, 今年疫情下加入「聲畫導航」功能, 在睇樓過程中, 可以由地產代理親自即時介紹單位特色.
        中原數據科技公司行政總裁彭詩建指, 至今已經拍攝超過1萬7300條VR片段, 疫情令使用量大增, 今年一至八月,瀏覽量較去年同期,大增三倍多, 為一個實用面積500呎單位製VR影片, 加後期製作, 只需兩個半小時, 每條成本700元, 能夠減少客戶睇樓和放盤時間, 相信疫情後不少公司都會樂意繼續投資.
        但彭詩建提醒, VR和影片未必能夠知道單位全部細節, 例如有無西斜以及廚櫃格局等, 最好都要在現場睇樓才簽約.



|



回主頁 關於我們使用條款及細則版權及免責聲明私隱政策 聯絡我們

Copyright 2020© Metro Broadcast Corporation Limited. All rights reserved.