愛著你 你沒法知 早該說出口

由我細個已經知道屋企環境唔好 但我仲一直唔聽佢話乜都亂做
佢冇因為老豆走咗而哀傷祈禱 努力等我同其他細路一樣沒煩惱
每日做三份工仲要同我煮飯 我問點解其他小朋友可以去食快餐
喊住叫佢帶我去英文字母嗰間 佢攞出擺係床底下面多年儲落個罐

愛著你 你沒法知 我願下輩子 再做你孩子
愛著你 你沒法知 早該說出口

佢笑住同我講佢唔肚餓（嗰陣我以為她真係唔肚餓）
佢笑住同我講佢唔肚餓（宜家我知道佢想將全世界比我）

經過母親不眠不休工作日子冇咁困難，到我長大後佢嘅餐廳已有一間
招牌寫住我地個名佢話特別耀眼 就好似漆黑天空中嗰啲星星一樣燦爛
光陰似箭到咗我大學畢業 佢提早收鋪攞張東主有喜一貼
著住套飲衫但係搭過咗個站 我急不及待企喺學校前面迎接

愛著你 你沒法知 我願下輩子 再做你孩子
《阿媽好快就到㗎喇 你肚唔肚餓啊 我買個菠蘿包比你食吖》
愛著你 你沒法知 早該說出口
《我大頭蝦搭過咗籠阿仔 你入去等我啦 等陣遲左畢業就唔好啦 我宜家跑過黎》

個貨車司機連續開左幾日嘅班 為咗生存追趕通漲佢唯有工作無限
身體嘅疲累積汗水重覆掩蓋雙眼 大陽同月亮交談會提醒佢嗰刻嘅時間
但係佢眼都唔敢眨 但係佢眼都唔敢眨
因為佢諗起佢嘅family 佢願意再揸快啲 佢以為可以展翅所以選擇衝動多次
但係Finally 唔理自己有幾自私 就因為佢嘅family傷害左一對母子

熟悉嘅身影喺空中又如慢動作般翻騰 我望住佢跌落地腦海裏回憶又再翻滾
相依為命兩個人未受過上帝憐憫 黑暗籠罩住但我地努力令美夢成真
萬般帶不走又話咩業隨身 呢刻我跑到去見佢血液流全身
有人對貨車嘈吵有其他人睇熱鬧 佢隻手仲揸實買比我個菠蘿包

我已經長大喇媽 你知道嗎 我生活了無牽掛媽 請你放心啦
成家立室嘅嘢 有對象㗎喇 但我從來冇講過愛你 有感受到嗎
我已經長大喇媽 你知道嗎 我生活了無牽掛媽 請你放心啦
成家立室嘅嘢 有對象㗎喇 但我從來冇講過愛你

《喂媽～今晚我唔返黎食飯，係呀去朋友度溫書啊，得啦，你唔洗留餸比我呀，好啦，拜》

點解陪唔到你過白頭 以為可以保護你嘅時候
命運又將你帶走
點解陪唔到你過白頭 最後喺我需要你嘅時候
得我一個係門口

點解陪唔到你過白頭 以為可以報答你嘅時候
命運又將你帶走
點解陪唔到你過白頭 當我開始有少少成就
捉唔住你