MIS首支發行單曲《我就是哈比》, 由成員Terrance Ip作曲、成員華倫作詞, Justintime / MIS共同編曲、監製
呢隻歌,由一個細微觀察開始。 原來我哋企係台上面,真係好似一個哈比人,不過又如何?
你成日覺得自己迎合唔到主流? 你成日覺得每日營營役役,唔知做乜? 你成日睇住IG,覺得人哋好靚,好型,好有錢,好有地位?
點解,要比嘈雜嘅聲音,打擾生活? 點解,要比世界框架定義我哋? 點解,要遵從所謂嘅「正確」道路?
不如試吓咁諗,人哋6呎半關你鬼事咩? 有冇諗過我哋踎低執雞,一定快過佢哋。 有冇聽過,矮仔通常多計。 等我哋,集結所有4呎半、5呎半,一齊大叫哈比, 一齊華麗撼動世界。
有人羨慕高度,不過世界更加多嘅人係畏高! 態度可以決定高度,我們是哈比,我們自豪。
今日,一齊讓「非主流」成為「主流」!
|