|
呢首歌是描述一位男生對一位女生的感情。男生稱自己為「10/10」的男人，對自己的魅力非常有自信，希望讓女生知道他是非常喜歡她，只會對她一個人好，對她的專屬愛意，是「滿分」男朋友。歌詞中提到這份感情很深厚，他願意陪伴女生在各種時刻，不管是脆弱還是躁動，不會去假裝或隱瞞任何東西，歌詞強調了愛的真誠和獨特性，想帶出一種激情洋溢的戀愛感受。
呢首歌想表達出愛有好多種語言和方式，可以是陪伴、讚美、物質等，當有一個人令你不計較付出，只想為她好的時候，不論甚麼方式都會令對方感受到愛。所以勇敢去付出，勇敢去追求，情感是複雜的，但愛是很簡單的。
From Bronny & Oscar：
Bronny：
我是一個好怕羞的「i」人，好少去主動「撩」女仔或跟唔認識嘅人「傾偈」。但當遇到一個我覺得可以付出一切嘅女仔嘅時候，我就會選擇性咁主動同進取，想比最好嘅嘢佢，對佢最好，無微不至咁關心同陪伴，所有內向同懶嘅性格都因佢而改變。
Oscar:：
呢首歌主要都係講緊對一個人嘅傾慕同埋愛意！(嗰一種不能自拔嘅感覺，我都仲好記得我對一個女仔一見鍾情！係真係望咗一眼就已經沉淪咗！係發生係我中學時期！中學第一日開學見到一個女仔覺得佢笑得好靚好靚，然後我自己喺個心入邊祈禱，希望同佢同一班，點知真係同一班！然後經歷咗唔同嘅接觸溝通，當中有好多小插曲！去到中二下學期嘅時候終於都一齊咗！佢係我初戀，就係嗰一種不顧一切嘅愛，好衝動好真摯嘅感受！種感覺都仲係好記憶猶新咁樣㗎！(無條件你素妝都可以！呢一句歌詞係好中) 因為我係鍾意你！所以就算你個樣係點外表係點，我個心都唔會變！(我好鍾意佢素顏的)！
希望大家聽完這首歌後，能體會到真摯的愛情，即使任何時刻和情況，愛都不會對你有任何阻隔和阻礙，有一種積極、熱情和不離不棄的愛情觀。希望大家可以感受到戀愛好衝動好真摯的感覺，對自己多點自信，在各方面如果欠缺自信心，就會好容易低沉，希望大家遇到喜歡的人都不要「怯」，不要「怕」。因為就算失敗，都只有對方知道，但成功的時候，你就可以找到一個令你有動力、可以真正感受到愛的人。有自信就自然成為到對方的「Ten Outta Ten」
|