|
Robin:
我記得同作詞人Oscar傾偈嗰陣，
最初嘅Demo仲叫《晚安》，整首歌瀰漫住一種沉鬱而消極嘅氣息，
好似無力感喺無邊黑暗中，悄然擴散開去。後來Oscar建議，不如寫一個關於「壞人」嘅故事。
佢提到《我的英雄學院》入面，有個反派即將死去嗰一刻，最令佢感慨嘅，反而係佢曾經擁有過一班明白佢嘅「烏合之眾」。我好鍾意呢個形容，帶住一種蒼涼又溫暖嘅矛盾感。
當我收到呢份詞之後，反而更加強烈咁覺得——
呢首歌正正就係《GACHIAKUTA》（廢淵戰鬼）。
故事以一個被世界視為垃圾嘅少年為核心，喺最污穢、最被遺忘嘅廢墟深處，重新尋回自身價值、真正嘅同伴，以及活下去嘅力量。表面上，它講緊階級、偏見與放逐；但更深層，其實係一首獻給所有被丟棄者嘅輓歌與頌歌：就算被世界徹底捨棄，人同物都唔代表失去意義。
只要仲有人願意相信，你就可以喺斷壁殘垣之中，重新站起身。
即使被世人踐踏為垃圾、被徹底放棄，
那些曾被珍惜過嘅靈魂與物件，
依然擁有重新證明自己價值嘅光芒。
呢首歌，講緊一班不被主流世界接納嘅人，點樣喺廢墟之中互相尋覓、互相救贖，
將被嫌棄、被丟低嘅命運，活成另一種倔強而耀眼嘅力量——
「被世界丟低，唔代表冇價值；有同伴，就可以喺谷底活成自己嘅光。」
有同伴，就可以喺谷底活成自己嘅光
倒不如活在烏合之眾間搭膊乾杯
|