紅磡一間食肆疑有食物烹煮過熱無熄爐冒出濃煙 消防開喉將火救熄救出一隻貓無人傷
14/2/2025 9:42
紅磡一間食肆懷疑有食物烹煮過熱, 無熄爐及冒出濃煙, 消防開喉將火救熄, 救出一隻貓, 無人受傷.
早上8點幾, 紅磡寶其利街寶威大廈地下一間食肆發生火警, 濃煙由店內湧出, 樓上老人院職員發現報案.
消防接報到場, 開喉射水灌救, 其後將火救熄. 火警期間, 消防搜救隊協助疏散大廈樓上居民, 無人受傷. 起火食肆尚未營業, 裡面無人, 有一隻貓, 被消防救出, 交給毗鄰店舖職員暫時照顧.
消防初步調查後, 懷疑涉事食肆有烹煮中食物無熄爐引致火警.
|